ខគម្ពីរពេញនិយមពី Elōg-Lóma 14

ចែក​រំលែក

Ákaa ɛ́sɛ, Likanʼyɛ lí Ɔ́lolómɛ̄ lí sē ɓé jam lí lídī tɔ jé lí bínyūnyú. Lí lɛ́ jā étɛ̄l-sim, nsaŋ la mivag bí ŋga sɔ́le la M̀búl Mpúán. Kí mut ag ɓɔ̄ŋ nsɔ́n á Nyɔ́-a-Pɔ́hlɛ nyíŋ patí, ag nyɛɛle Ɔlolómɛ̄, ɓot kí bíg séme nyɛ́.

Átɔm nɛ́, kí biíg niŋ, biíg niŋ ányúū Nyɔ́ŋ-Ɛsáŋɛ́, kí biíg wú, biíg wú ányúū Nyɔ́ŋ-Ɛsáŋɛ́. Jɔ́ nɛ́, ɓa ɓɛ́ á éniŋ tɔ ɓā wú, bi lɛ ɓá bí Nyɔ́ŋ-Ɛsáŋɛ́.

Jɔ́ nɛ́, bi sómó hɔ́ yé ɛ́ ŋga sɔ́la ɓɛ́hɛ nsaŋ la li ólɓɛ lí ɓɛ́hɛ bísɛ á ŋyéɓé.

Bi mwáhɛ́ hɔ́ lí kááhan ɓɛ́hɛ la ɓɛ́hɛ. Ndí nyɔŋán jā bísúghɛ́nɛ́ nɛ miní ŋgá ɓɔŋ ɓé jam lí ŋga ɓɛ́ mɔɔ́nɛ́sɔ̄ŋ waná ɔ́ɓag ví ŋga yígle nyɛ́ lí ɓɔŋ lí áɓē, ndí tɔ li kuhʼanɛ lí nyɛ á míceglan.

Átɔm nɛ́, Nyɔ́ŋ-Ɛsáŋɛ́ ag laga á Lícii-Lipúán nɛ́: «Mā Nyɔ́ŋ-Ɛsáŋɛ́, kasig mi lɛ á éniŋ, mag laga nɛ́ mut sig ag kɛ li úm lí míɓɔ̄ŋ ɔ́sū vama, mut sig ag kɛ li tíi lí Ɔ́lolómɛ̄ lípēm.» La náŋ, mut wahá sig ag kɛ li tíi lí Ɔ́lolómɛ̄ ndagle ányúū yɛ́ɛ̄ nyɛ́-mɛ̄n.

Miní lɛ́glé nyɔ́ ŋyéɓé á ŋga ɓɔ̄t, ɛ́h ɓɛ́ ɓé lí sáá lí míɔ̄ŋɔ mɛ́ɛ́.

Ɔ lɛ nzáá á lí kááhɛ lí ɛ́waŋgá m̀ɓɔŋle é? A byélɓán á nsɔ́n tɔ a jóŋo, náŋ ag légɓe ja ɛ́sāŋɛ́ wɛ́ɛ̄. Ag kɛ hɔ́ lí byelɓan á nsɔ́n wɛ́ɛ́, átɔm nɛ́ Nyɔ́ŋ-Ɛsáŋɛ́ a byɛ́ɛ́ ŋguu li nit lí nyɛ.