ខគម្ពីរពេញនិយមពី Zenez 17

ចែក​រំលែក

Kan Abram ena 99 an, LESEGNER aparet avek li ankor enn fwa e dir li: “Momem Bondie Toupwisan. Mars dan mo prezans e res touzour san repros.

To nom pou nepli Abram, me Abraam, parski mo pou fer twa vinn anset boukou nasion.

Mo pou gard mo lalians avek twa, e avek tou to bann desandan apre twa. Mo lalians pou dire zenerasion apre zenerasion. Mo pou zot Bondie pou touzour.

“Ala mo lalians ki mo etabli avek twa: To pou vinn anset enn kantite nasion.

Bondie dir: “Non, to fam Sara pou donn twa enn garson. To pou apel li Izaak. Mo pou etabli mo lalians avek li e avek so bann desandan apre li. Mo lalians pou dire pou touzour.

Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”

Abraam prostern li bien ba. Apre sa li riye e li dir dan so leker: “Eski enn bonom 100 an kapav fer zanfan? Sara ena 90 an, eski li pou kapav vinn mama?”

Bondie koz avek Abraam ankor enn fwa, e dir li: “Aret apel to fam Sarai. Asterla so nom pou Sara.

Zot sirkonsizion pou enn sign lalians ki mo etabli avek zot.

Me mo lalians pou avek Izaak. Sara pou gagn li dan sa mem lepok la, lane prosenn.”

Depi asterla, to pou bizin sirkonsi tou tibaba mal kan li gagn wit zour. To bizin sirkonsi osi to bann esklav mal ki finn ne dan to lakaz, e bann ki to finn aste ar bann etranze. Tou esklav ki finn ne kot twa, e bann ki to finn aste ar bann etranze, pou sirkonsi. Sa pou enn sign dan zot lekor, ki mo lalians avek zot pou dire pou touzour.