ខគម្ពីរពេញនិយមពី Mk 6

ចែក​រំលែក

Nejoki ninye ninche, “Wootu oopeny emaape eneliyio, eyeng'iyeng'ata enkiti kata.” Amu aikumok iloopuonu epuo, neaku meeta ninye erishata nainosie endaa.

Nejoki Yesu ninche, “Melaikini oloiboni le Nkai enkanyit mme te nkop enye, o ti atua enkaji enye.”

Ore pee edou te mpeut nedol olorora kitok, neing'urrie ninche, amu etiu anaa ntare nemeeta olchekut; neiteru aiteng'en mbaa kumok.

Nelaikino ataasa inenking'asia te ine; ilkuti tung'ana ake oomuei eiteleikia nkaik neishiunye. Neing'asia ninye te nkaraki nemeeta ninche enkirukoto. Nemanaa too nkang'itie eiteng'enisho.

Ore pee edumu Yesu nena mukateni imiet o sinkir aare neraposhu nkonyek aing'or shumata, nemayian, nebel imukateni neisho ilooiteng'eni lenyena meishoo lelo tung'ana; neoriki lelo sinkir aare ninche pooki. Nenya pooki neraposho. Nesotu mbelat naatelekuaki o noo sinkir sii neiput nkikapuni tomon o aare.