ខគម្ពីរពេញនិយមពី 1 Timothy 6

ចែក​រំលែក

Fecht ye the noble fecht oʼ the faith! lay haud on the ever‐bidin Life, to whilk ye war bidden, and did confess a noble confession fornent mony witnesses.

For, a rute oʼ ill‐doin is the love oʼ siller; whilk while some followʼt eftir, they war drawn awa frae the faith, and thringed their sels throwe‐and‐throwe wiʼ mony pangs.

But godliness, wiʼ content, is unco gain.

For naething brocht we into the warld, naither are we able to cairry ocht oot.

Them that are rich in this present world, chairge ye no to be prood, nor lippen to the uncertaintie oʼ riches; but on God, wha gies us a rowth oʼ aʼ things to enjoy

But thae wha bude be rich, are faʼin into a temptation and a girn, and mony glaikit and ill desires; whilk ding men into ruin and destruction.

To be doin gude, to be rich in warks oʼ nobleness; to be free in impairtin, ready to co‐operate; Layin‐up for their sels a graun fundation for the time to come, that they may lay haud on that that is truly Life.