ខគម្ពីរពេញនិយមពី Makö 16

ចែក​រំលែក

'Nɩ ɔ yiwa soo, ɔ lä a mʋ 'ylʋzɔɔ' dää 'fɩɩn ‑yä a ‑sää Laagɔɔ' 'Nägädöö nyɩkpaa 'fɩɩn.

A ni 'yiziziogbɩɩ ‑ɩyä pɔlötɛtɛɛ' käänyʋa 'sɔ 'kä lä nää nä. 'Naa 'ŋnöö 'mnö, wa yi ‑zizinyenyi 'tlü, wa yi nuwälɩ ‑leli ci. Wa yi ‑leebeli wlɩɩ' ‑klää 'nɩ ɩ 'nʋwa ‑lä lʋʋ nʋ. Wa yi 'pɔyɩzɩ 'mnä 'nɩ ɛ 'nʋwa ‑lä 'bhlä. Wa yi gupanyʋa ‑klɔgbö 'kʋ gbɛɛ 'nɩ wa yi yamä.

Nyɩkpɔɔ' lɔɔ ‑ɔ gä 'Nägädöö' pɔlötɛtɛ ‑kä nä, 'nɩ ‑ɔ gä 'ɩza 'nyu 'wlu ŋʋʋ‑ nä, ɔ yi ‑lɔɔ nëë' ‑bha. ‑Mä ‑ɔnö ɩɩ' pɔlötɛtɛ ‑kä nä, Laagɔ yio gbäylö ‑sä.

'Nɩ ɔɔ' 'kʋgënyʋa ‑mä, wa yi Laagɔɔ' 'Nägädönö dää 'fɩɩn bie ‑kää mʋ. ‑Mä Kwlienyɔ klänʋwa bhä lebhee 'fɩɩn 'mnö, 'nɩ 'yiziziogbɩ nʋɔ bhä 'nɩ ɩ pana bhä 'Nägädöö' nyaasäsä.]

‑Mä ɔ ‑bhluwa‑ plɛɛ' 'nɩ ɔ ‑sonʋwa, ɔ lä ‑ŋänö 'nä 'bhlä'anyɩ ‑lä! Zozii, Nazalɛtöö' nyɩkpɔɔ, wa ‑bhoo bhlä 'kusuu 'yii nä, ɔmɔ a tään lä. Ɔɔ' ‑wʋ ‑mää ‑kʋ ‑mä ɔ yä 'kuëë glɔɔ. A wloo, dä wa puo‑ bhlä nä, lɔɔ‑ ‑kʋ lä ‑lää.

Ɩ ‑kʋwa nëë' ‑bhlɛ, wa lä wa wloo nä, cɛkʋʋ, ‑ʋ plöö‑ bhlä cɛkʋ ‑gwlikeyee nä, ʋ 'bhisio‑ 'nɩ ʋ ‑bha lesi‑këfëa nëkʋ. Wa ‑yi ylä nä, kwa sloo‑ lesie 'mnö. ‑Mä wa la wloo waa' lüüklä 'kʋ nä, nyëblu, ɔ ‑plä ‑bänö 'päpä 'nɩ ɔ ‑kʋ ‑lɔɔ sä. Wa nio‑ lä 'yi nä, kä plɛ ‑bhʋwa 'mnö.