ខគម្ពីរពេញនិយមពី မၢတ်ႈထႄႇ 27

ចែក​រំលែក

ၶိင်ႇ​ၵဝ်ႈ​ၼႃႇရီႇ​ၸမ်​ၸမ်​ၼၼ်ႉ၊ ယေႇသူႉ ​ႁဵတ်း​တင်း​သဵင်​ဢၼ်​ယႂ်ႇ​ၼႃႇ ႁွင်ႉ​သႅၼ်ႇ​လႄႈ​ဝႃႈ၊ ဢေးလီႉ၊ ဢေးလီႉ၊ လႃႇမႃႉ၊ သႃႇပၵ်ႉသၼီႉ ၊ ဝႃႈ​ၼင်ႇ​ၼႆ​ဢေႃႈ။ ဢၼ်​မၼ်း​ၸဝ်ႈ​ဝႃႈ​ၼၼ်ႉ​ၸမ်ႉ၊ ၽြႃး​ၵဝ်​ၶႃႈ၊ ၽြႃး​ၵဝ်​ၶႃႈ၊ ၵွပ်ႈ​ပိူဝ်ႈ​ၸိူဝ်ႉ​ၼင်ႇ​ႁိုဝ်​လႄႈ ၸုၼ်ႉ​ပႅတ်ႈ​ၵဝ်​ၶႃႈ ၸိူဝ်ႉ​ၼင်ႇ​ႁိုဝ်​တီႈ​ၶႃႈ၊ ဝႃႈ​ၼင်ႇ​ၼႆ​ဢေႃႈ။

မိူဝ်ႈ​ၼၼ်ႉ ၽႃႈ​ၵင်ႈ​ႁိူၼ်း​ပိၵ်ႈ​မၢၼ်ႇ​ၸဝ်ႈ သိၵ်ႇ​ၶၢတ်ႇ​ၵႂႃႇ​ၸႃႉ​ၸဵမ် ၵႃႈ​ၼိူဝ်​တေႃႇ​ထိုင်​ႁွတ်ႈ​ၵႃႈ​တႂ်ႈ​ဢေႃႈ။ ဢိင်ႇ​ၵေႃႈ​သၼ်ႇ​ဢေႃႈ။ မၢၵ်ႇ​ႁိၼ်​တင်း​လၢႆ​ၵေႃႈ​တႅၵ်ႇ​ဢေႃႈ။- ၶုမ်​သၢင်း​ၶႅင်း​တင်း​လၢႆ​ၵေႃႈ ၽုၺ်ႇ​ပိုတ်ႇ​လႄႈ၊ တူဝ်​တၢႆ​ၵူၼ်း​ဢၼ်​မူတ်း​ၸၢင်ႇ ဢၼ်​ၵိင်း​ၼွၼ်း​ယူႇ​ၼမ်​ၼႃႇ​ၼၼ်ႉ လုၵ်ႉ​ၶိုၼ်း​လႄႈ၊

ယေႇသူႉ ​သမ်ႉ​ၶိုၼ်း ႁဵတ်း​တင်း​သဵင်​ဢၼ်​ယႂ်ႇ​ၼႃႇ​ႁွင်ႉ​သႅၼ်ႇ​လႄႈ တိုတ်ႉ​ၸႂ်​မၼ်း​ၸဝ်ႈ​ၶၢတ်ႇ​သေ​ဢေႃႈ။

ၸႃႉ​ၸဵမ်​တပ်ႉ​မူး​လႄႈ ၶဝ်​ၸိူဝ်း​ဢၼ်​ပႂ်ႉ​ ယေႇသူႉ ​ယူႇ​ၼၼ်ႉ ႁၼ်​လွင်ႈ​တၢင်း​ဢၼ်​ဢိင်ႇ​သၼ်ႇ ဢိၵ်ႇ​တင်း​လွင်ႈ​တၢင်း​ဢၼ်​ပဵၼ်​မႃး ၵူႈ​ၸိူဝ်ႉ​ၵူႈ​ပိူင်​ၸိူဝ်း​ၼၼ်ႉ​သေ​ယဝ်ႉ၊ တူၵ်း​ၸႂ်​ၼႃႇ​လူင်​လၢင်​လႄႈ​ဝႃႈ၊ ၸႂ်ႈ​တႄႉ၊ ၵေႃႉ​ၼႆႉ​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​တႄႉ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၸႃႉ​ၸဵမ်​ၶိင်ႇ​ႁူၵ်း​ၼႃႇရီႇ တေႃႇ​ထိုင်​ႁွတ်ႈ​ၵဝ်ႈ​ၼႃႇရီႇ​လႄႈ ပဵၼ်​ဢၼ်​လပ်း​သိင်ႇ​ၵႂႃႇ ၽိတ်း​ၽိတ်း​တင်း​မိူင်း​ဢေႃႈ။

ၶုၼ်​ ပီႉလတ်ႉ ​ၵေႃႈ သမ်ႉ​ထၢမ်​တီႈ​ၶဝ်​ထႅင်ႈ​လႄႈ​ဝႃႈ၊ ပေႃး​ပဵၼ်​ၸိူဝ်ႉ​ၼင်ႇ​ၼႆ​ၸိုင်၊ ၵဝ်​တၵ်း​လႆႈ​ႁဵတ်း​တီႈ​ ယေႇသူႉ ဢၼ်​လႆႈ​ႁွင်ႉ​ႁဵၵ်ႈ​ၸိုဝ်ႈ​ ၶရိၸ်ႈ ​ၼၼ်ႉ​ၸိူဝ်ႉ​ၼင်ႇ​ႁိုဝ်။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​တင်း​သဵင်ႈ​တင်း​လူင်​ၵေႃႈ ႁွင်ႉ​လႄႈ​ဝႃႈ၊ ႁႂ်ႈ​မၼ်း​ၶၢမ်ႇ​တၢင်း​ဢၼ် တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။- ၶုၼ်​ၵေႃႈ​ထၢမ်​လႄႈ​ဝႃႈ၊ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ်။ မၼ်း​ႁဵတ်း​ဢပႅတ်ႈ​ၵႃႈ​သင်​ယဝ်ႉ။ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ ၶဝ်​ၼၼ်ႉ​ၵေႃႈ ယဵင်ႈ​ၶႅၼ်း​ႁွင်ႉ​သႅၼ်ႇ​လႄႈ​ဝႃႈ၊ ႁႂ်ႈ​မၼ်း​ၶၢမ်ႇ​တၢင်း​ဢၼ် တွၵ်ႇ​ဝႆႉ​ၵႃႈ​ၼိူဝ်​သဝ်​လၵ်း​ဝႃး​ၵၢပ်ႈ​သေ​ၵမ်း​ၶႃႈ၊ ဝႃႈ​ၼင်ႇ​ၼႆ​ဢေႃႈ။