ខគម្ពីរពេញនិយមពី မၢတ်ႈထႄႇ 13

ចែក​រំលែក

လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​ၼႂ်း​တီႈ​ဢၼ်​လိၼ်​လီ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ လူင်ႉ​လႅင်း​သေ​ယဝ်ႉ၊ မၢၵ်ႇ​မႃး​မၢၵ်ႇ​မၼ်း​ၵမ်ႈ​ၽွင်ႈ ပၢၵ်ႇ​ပုၼ်ႈ၊ ၵမ်ႈ​ၽွင်ႈ​ႁူၵ်း​သိပ်း​ပုၼ်ႈ၊ ၵမ်ႈ​ၽွင်ႈ​သၢမ်​သိပ်း​ပုၼ်ႈ​ၼၼ်ႉ၊ ၶႂ်ႈ​ဝႃႈ​ၼင်ႇ​ၼႆ​ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ​ဢေႃႈ။

လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၼႂ်း​တူၼ်ႈ​ၼၢမ်​ၸိူဝ်း​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ တၢင်း​ဢၼ်​မႆႈ​ၸႂ်​ၶီ​ၸႂ်​လူၺ်ႈ​လွင်ႈ​လေႃးၵီႇ၊ တၢင်း​ဢၼ်​ဢုၵ်ႉ​ၸႃႇ​ၸေး​ၸိမ်ႇ ပႅတ်ႉ​လႅၼ်​တင်း​လၢႆ​ၼၼ်ႉ ႁူမ်ႇ​မုင်း​ငႅၼ်း​သႄး​ၵႂၢမ်း​တြႃး​ယူႇ​လႄႈ ဢမ်ႇ​မၢၵ်ႇ​မၢၵ်ႇ​မၼ်း​လႆႈ၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။

ၽူႈ​လႂ်​သေ​ဢမ်ႇ​ဝႃႈ၊ မိူဝ်ႈ​ဢၼ်​ငိၼ်း​ၵႂၢမ်း​တြႃး​မိူင်း​ၸဝ်ႈ​လႄႈ ဢမ်ႇ​လူင်ႉ​ဢမ်ႇ​လႅင်း​ၼၼ်ႉ​ၸိုင် ၵေႃႉ​ဢၼ်​ႁၢႆႉ​ၼၼ်ႉ​မႃး​လႄႈ ႁိမ်​ႁူင်ႇ​ထူၺ်ႈ​ထွၼ်​ဢဝ်​မဵတ်ႉ​ဢၼ်​ဝၢၼ်ႇ​ၵႃႈ​ၼႂ်း​ႁူဝ်​ၸႂ်​မၼ်း​ၼၼ်ႉ ဢွၵ်ႇ​ပႅတ်ႈ​ဢေႃႈ။ ဢၼ်​ၼႆႉ​ၸမ်ႉ၊ ပဵၼ်​လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း ၵႃႈ​တီႈ​ႁိမ်း​တၢင်း​ဢေႃႈ။

လွင်ႈ​ဢၼ်​ဝၢၼ်ႇ​ၸိူဝ်ႉ​ဝၢၼ်ႇ​ၽၼ်း​ၵႃႈ​ၼႂ်း​တီႈ​ဢၼ်​မၢၵ်ႇ​ႁိၼ်​ၼမ်​ၼႃႇ​ၼၼ်ႉ​ၸမ်ႉ၊ ပဵၼ်​ၵေႃႉ​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ပိၵ်ႉ​သမ်ႉ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ႁပ်ႉ​တုင်း​ဢဝ်​ၵမ်း​လဵဝ်​သေ​ၵေႃႈ၊- ဢမ်ႇ​မီး​ႁၢၵ်ႈ​မၼ်း​ၵႃႈ​ၼႂ်း​ႁူဝ်​ၸႂ်​မၼ်း​လႄႈ တႄႇ​ယူႇ​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ် ၼိၵ်ႈ​ၸၢၵ်ႈ​ငႅၼ်း​သႄး​ၵွပ်ႈ​ပိူဝ်ႈ​ၵႂၢမ်း​တြႃး​ၼၼ်ႉ​ၸိုင် ၸႂ်​လူႉ​ၵမ်း​လဵဝ်၊ ၶႂ်ႈ​ဝႃႈ​ၼင်ႇ​ၼႆ​ဢေႃႈ။

ၼႄး​ၼိုင်ႈ​ၸမ်ႉ၊ မိူင်း​ၵၢင်​ႁၢဝ်​ၸဝ်ႈ မိူၼ်​ၸိူဝ်ႉ​ၼင်ႇ​ၽၼ်ႇတႃႇ​ဢၼ်​သိူင်ႇ​ဝႆႉ​လပ်ႉ​ဝႆႉ ၵႃႈ​ၼႂ်း​တူင်ႈ​ၼႃး​ၼၼ်ႉ​ဢေႃႈ။ ၵေႃႉ​ဢၼ်​ထူပ်း​ႁၼ်​ၽၼ်ႇတႃႇ​ၼၼ်ႉ သမ်ႉ​ၶိုၼ်း​ႁူမ်ႇ​ဝႆႉ​သေ​လႄႈ မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ၵႂႃႇ​ယဝ်ႉ​ၸင်ႇ၊ ၶၢႆ​ပႅတ်ႈ​ၵႃႈ​ဢၼ်​မၼ်း​မီး​ၼၼ်ႉ​သေ​လႄႈ သိုဝ်ႉ​ဢဝ်​တူင်ႈ​ၼႃး​ၼၼ်ႉ​ဢေႃႈ။

မဵတ်ႉ​ၵမ်ႈ​ၽွင်ႈ​တူၵ်း​ၵႃႈ​ၼႂ်း​တီႈ​ဢၼ်​လိၼ်​လီ​လႄႈ မၢၵ်ႇ​မၢၵ်ႇ​မၼ်း​မႃး​ၵမ်ႈ​ၽွင်ႈ​ပၢၵ်ႇ​ပုၼ်ႈ၊ ၵမ်ႈ​ၽွင်ႈ​ႁူၵ်း​သိပ်း​ပုၼ်ႈ၊ ၵမ်ႈ​ၽွင်ႈ​သၢမ်​သိပ်း​ပုၼ်ႈ​ဢေႃႈ။

ႁႂ်ႈ​တူၼ်ႈ​သွင်​ၸိူဝ်ႉ​သွင်​ပိူင်​ၼၼ်ႉ ယႂ်ႇ​မႃး​လူၺ်ႈ​ၵၼ်​တေႃႇ​ထိုင်​ႁွတ်ႈ​ၶိင်ႇ​ဢၼ်​တၵ်း​ပၢတ်ႇ​ၶဝ်ႈ​ပုၼ်ႉ​တႃႉ။ ၼႂ်း​ၶိင်ႇ​ဢၼ်​တၵ်း​ပၢတ်ႇ​ၶဝ်ႈ​ၼၼ်ႉ၊ ၵဝ်​တၵ်း​လၢတ်ႈ​တီႈ​ၶဝ်​ၸိူဝ်း​ဢၼ်​ပၢတ်ႇ​ၼၼ်ႉ​လႄႈ​ဝႃႈ၊ သူ​လိူၵ်ႈ​ထူၺ်ႈ​တူၼ်ႈ​ၶဝ်ႈ​ၽီ​တင်း​လၢႆ​ၼၼ်ႉ​ဢွၼ်​တၢင်း​လႄႈ မတ်ႉ​ဝႆႉ​ႁႂ်ႈ​လႆႈ​တုတ်ႇ​ၽႆး​ပႅတ်ႈ​တႃႉ။ ၶဝ်ႈ​ၵျုင်ႇ​ၸမ်ႉ၊ ဢဝ်​သိမ်း​ဝႆႉ​ၵႃႈ​ၼႂ်း​ယွင်​ၼႂ်း​ယေး​တႃႉ၊ ဝႃႈ​ၼင်ႇ​ၼႆ​ဢေႃႈ၊ ဝႃႈ​ၼႆ၊ မၼ်း​ၸဝ်ႈ​ႁေႃး​လၢတ်ႈ​ဢေႃႈ။