ପାର୍ମେଶ୍ୱାର୍ସ୍କି ସ୍ତୁତି ମାନ୍ନାଦ୍, ଏନ୍ଦେର୍ଗେକା ଏକା ସୁସାମାଚାର୍ ଏନ୍ ପ୍ରଚାର୍ କାମ୍ଦାନ୍, ଆଦ୍ଘି ଅନୁସାର୍ ଆଦିନ୍ ଯୀଶୁ ଖ୍ରୀସ୍ତ୍କି ମିଆଁ ବିଶ୍ୱାସ୍ନୁ ମଜ୍ବୁତ୍ କାମାଗେ ଶକ୍ତି ରାଇଦ୍। ଆରୁ ଏକା ସୁସାମାଚାର୍ ଯୁଗ୍-ଯୁଗ୍ତି ପାର୍ମେଶ୍ୱାର୍ସ୍ ନୁଡ଼୍କାଦାସ୍, ଆବନ୍ ଆସ୍ ଆକ୍କୁନ୍ ଜାମା ଆଲାର୍ସାନ୍ ଏଦ୍କାଦାସ୍। ଆରୁ ଯୀଶୁ ଖ୍ରୀସ୍ତ୍କି ବାରେ ଏକାନ୍ ଏନ୍ ପ୍ରଚାର୍ କାମ୍ଦାନ୍, ଆଦିନ୍ ଆ ନୁଡ୍କା ସୁସାମାଚାର୍ଦ୍। ପହ୍ଲେ ନାବୀଜାମାର୍ ତାହ୍ମା ବହିନୁ ଯୀଶୁ ଖ୍ରୀସ୍ତ୍କି ବାର୍ନାଘି ବାରେ ବାତାବାଚ୍କାଚାର୍। ଆକ୍କୁନ୍ ସବୁଦିନ୍ ରାନାବାଲା ପାର୍ମେଶ୍ୱାର୍ସ୍ ହୁକୁମ୍ ଚିଇକିରି ବାତାବାଚ୍ କା, ଦୁନିଆଁନ୍ତା ଜାମା ଜାତିନ୍ତା ଆଲାରିନ୍ ଇ ସୁସାମାଚାର୍ବନ୍ ତେଙ୍ଗ୍ନା କାତ୍ଥା। ତାକା ଆଦ୍ ଏକାନ୍ ତେଙ୍ଗି, ଆବନ୍ ଜାମାର୍ ବିଶ୍ୱାସ୍ କାମର୍ ଆରୁ ମାନର୍। ଆରୁ ନାହ୍ମା ଅଣ୍ଟା ଖାଲି ପାର୍ମେଶ୍ୱାର୍ସ୍ ରାଦାସ୍ ଆରୁ ଆସ୍ ଅଥାସ୍ ବୁଦ୍ଧିୟାର୍ ରାଦାସ୍। ଆରୁ ଯୀଶୁ ଖ୍ରୀସ୍ତ୍ ଏକାନ୍ କାମ୍ଚ୍କାଦାସ୍, ଆଦ୍ଘି ଦ୍ୱାର୍ନୁ ପାର୍ମେଶ୍ୱାର୍ସ୍କି ମାହିମା ଯୁଗ୍-ଯୁଗ୍ ମାନ୍ନାଦ୍। ଆମେନ୍।