ខគម្ពីរពេញនិយមពី ይዃንስት ወንጌል 15

ចែក​រំលែក

«ያን ወይንዙ ግንድ የጝ፤ ክትንም ጫፋን የጝ፤ ኣውማውቅ ይግል ፅባን፣ ያንም ጝግል ፅባን፣ ጘጝ ንቕፀው ፍረ ፍርዝጡ፤ ዊገድ ግን ይት እጀው ውረውረቅ ፍርዝትርነ ችላይርነቅም።

ክትን ይግል ፅብጥን፤ ያንም ክታግል ፅብጭር፤ ጫፍ ወይኒዙ ግንዲል ፅቢየውዝየ ጝለ ፍር ፍርዝጠ ቸላው ኣቐጘ ክትንም ይግል ፅቢርነውዝየ ፍር ፍርዝትርነ ቸላይርነቅም።

ይግል ፅብርናን፣ ይቃልድም ክታግል ፅባን፣ በንርነው ዊገድቅ ጨውርንሽ ችጝትርንቅ።

ያን ክታት ማርፁንጚ ክትን ይት ማርፂርነቅም፤ ፊትርናንስ፣ ፍርም ፍርዝርናንስ፣ ክታፍረድም ፅበው ኣቓንስ ማጥን ክታት ይሙን፤ እንዝ ማጥንም ኣይር ይሽዝ ጨውርነውድየንትቅ ነይጡ።

ጝወደጃኒዝ ቺ ጝርዅየድ ዲቍስን ይወነዊስ ዲቈው ፍቅር ኣውማውም እጀው።

ጘጝም ይግል ፅበው፣ ፍርም ፍርዛው ጫፍድየንትቅ ቀቭ ማለኵ፤ ፍር ፍርዘው ጫፍድየንትቅ ግን ቐናዝ ፍርዛንስ ማጥን ጊርዘኵ።

ይትዛዝድም ያን ክታት ቀነጘ ክትንም ክታስ ክታይ ቀነ ቀንሽርናንስ የጝ።

ንቕፀው ፍረ ፍርዘነውዝ ይክንደጥ ኣቐነውድ ጋልፅርናን፣ እንዝ ይር ኪብርጡ።

«እማንተው ወይኒዙ ግንድድ ያን የጝ፤ ኣርሸድም ይር የጝ።

ይግል ፅባውድቅ ቢዘይል ሊቭ ይዘው ጫፊዝጘ ኣጡ፤ እነየቍ ጫፋንድ እቅ ጥቅልጝ ልየል ማልጥቍ፤ ቃጥልጥቍም።

ይዲስተድ ክታግል ኣቓንስመ ክታዲስተድም እቻቐው ኣቓንስ ማጥን እኒንት ድቍኩን።

ያን ይርት ትዛዝድ ፋፅም ጝፍቅሪዝ ፅባንትጘ ክትንም ይትዛዝድ ሊሚድርናን ይፍቅሪዝ ፅብትርንቅ።

ያን ክታት ኣዘውድ ክታስ ክታይ ቀነቀንሽርናንስ ማጥን የጝ።»

ኣልሚስ ኣቕርናን፣ ኣልምድ ጝቕምትቊዝጘ ፃቭ ቀንጠ ዊኑ፤ ያን ክታት ኣልሚስ ቲዝ ማርፃንስቅ ክትን ኣልሚዝቍም ኣይርነቅ፤ ኣልም ክታት ሽክተውድም እንዝ ማጥን የጝ።