ខគម្ពីរពេញនិយមពី ሉቃ̈ሳ 14

ចែក​រំលែក

“ታ̈ክ ዬይዝ ኣሲ ዎይ ፌ ባ̈ባኬ ፌ ኢንዲ̇ኬ፣ ፌ ማጪ̇ንዲኬ ፌ ናኣንኬ፣ ፌ ኢሺንታ̇ንኬ ፌ ሚሺንታ̇ንኬ፣ ፌ ሼምፒ̇ንዳ̇ሬ ጉጃር ታ̈ፖ̇ ሺሻር ካዝ ኣሲ ቴ ታማ̈ሪ ማ̈ቃ̇ንዳብ ዳንዳኢባ̈ሴ።

ታ̈ና ኣማ̇ኒኖኮታ̇ቦ ኢያ ዬሊ̇ዝ ሜታን ዎይ ቶ̈ካ̇ንዳብ ኮዪባ̈ሶ ኣሲ ቴ ታማ̈ሪ ማ̈ቃ̇ንዳብ ዳንዳኢባ̈ሴ።

ኣባ ጌይን ፌ̈ና ሾክ ሾክ ዎቲዝ ኣሲ ዎይ ዪርክ ጌይሬ፤ ፌ̈ና ዪርክ ዪርክ ዎቲዝ ኣሲ ዎይ ሾክ ጌይሬ” ጌይዴ።

ዪና̇ ኢዝፌ̈ኒ ዪንታ̇ ጋርታ̇ፖ ኦ̈ናካር ማ̈ቂ̇ን ፌ̈ብ ዎ ባዚን ዎይ ኣሽባ̈ሶ̈ዲ ታ̈ብ ታማ̈ሪ ማ̈ቃ̇ንዳብ ዳንዳኢባ̈ሴ።

“ዪንታ̇ ጋርታ̇ፖ ፔቲ̇ ኣሲ ሹች ኬ̈ ኬ̈ጻ̇ንዳብ ኮያሪ ኬ̈ን ኬ̈ጻ̇ናፖ̇ ቲ̈ን ኣ̈ፊን ቢራ ኢያ ኮይሳ̈ርኮ ዶኣር ቆፒ̇ባ̈ሶ ኦ̈ኖ? ኢ ኬ̈ን ዣማ̇ራሪ ኬ̈ጺ̇ ኬሳ̇ንዳ̇ብ ኢያ ጋሜጌይን ቤቂ̇ኖ ኣሲ ዎይ ‘ዓ ና̈ሳ̈ዲ ኬ̈ ኬ̈ጻንዳ̇ብ ኤ̈̇ሪ ኬ̈ጺ̇ ኬሳ̇ንዳ̇ብ ኢያ ጋማካ̇!’ ዪዝ ጋ̈ር ኢ ጋል ሚ̈ጪ̇̈ሬ።

ኔ ጊዳን ጊብዣ ጊ̈ጊሳራ ዎርባያን፣ ቶሂ ኩሺ ዎባ̇ን፣ ሜቂንኬ ኣ̈ፍ ዎባ̇ን ጼይጋቤ። ዪኒ̇ፌ̈ን ዎቴጌይን ኔ ኣንጂንታ̇̈ሬ። ዪን ኔ̈ና ጼይጊ ጊብዣ ሙሳንዳ̇ቦ ዳንዳኢባ̈ሶኮታ̇ቦ ጺላ̇ ኣሳን ዓይቃ ጋርታ̇ፖ ዲንዲዝ ጋላሲ̇ ዪኖ̇ ኔ ኦ̈ኖ ኦ̈ሲምቦ̇ ጾ̈ሲ̇ ኔ̈ብ ማሂ̈ሬ” ጌይዴ።

ማጺኖ ኮሽዶ̈ን፥ ቃ̈ ኢዝቦ ባዪ ማ̈ቄ̇ጌይን ዎዛርታ̇ር ኢዞ ማሂ ቃ̈ጻምፔ̈ን ዎታንዳ̇ብ ዳንዳኢ̈ራ? ኢዛ ሜላ ኣቲ̇ን ሳ̈ዝ ኢጊ̇ሳ̇ንዳቦ ማ̈ዳ̇ባሶኮታ̇ቦ ኬሳ̇ሪ ዛ̈ና ቶጚ̈ሬ። “ዪዚ ሲስኪ̇ዝ ዋይ ዎ ኣሲ ዓኖ̇ ሲስካ̇ጋ̈ቤ” ጌይዴ።