ខគម្ពីរពេញនិយមពី Romayguakuérape 6

ចែក​រំលែក

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

Upéicharamo ndapeikovéima angaipa rembiguái ramo, peẽ ndapeikovéiguima Moises rembiapoukapy poguýpe, Ñanderuete mborayhu ha iporiahuvereko poguýpema uvei peikopeína ko’ág̃a.

Ñande ñañeñotỹmava’ekue Crísto ndive pe bautísmo rupi iñemanóme, ha Ñanderuete pu’aka omoingove jevy haguéicha Hesu Crísto omanóva apytégui, upeichaite Ha’e oipota ñande jaikoveñaína (tapia g̃uarã) Pytu Porãmbáva pu’aka poguýpe.

Anítei peiporuka pende rete reheguáva angaipápe, teko vai rembiporurã ramo, upéva rãngue peñeme’ẽmba Ñanderuete pópe, Ha’e oiporu hag̃ua pende rete reheguáva tembiapo porãme, teko porã rembiporu ramo; peikuaágui pesẽma hague pe ñemano pu’akakuégui, peiko hag̃ua tekove pyahu pu’aka poguýpe.

Jaikuaa porã ningo ñande reko tuja oñemosãingo hague kurusúre Hesu Crísto ndive, oñehundi hag̃ua ñande rete angaipa rehegua, anive hag̃ua ñande jaiko angaipa rembiguái ramo.

Péicha avei peẽ pehechakuaa pemano hague angaipápe g̃uarã, ha peikovepeína Ñanderuetépe g̃uarã Hesu Crísto oikógui pendepype.

Upéicharamo mba’épa ja’éta. Ñañemboheko vaivétapa jahávo, okakuaave hag̃ua avei Ñanderuete mborayhu ha iporiahuvereko. Mba’evetéicharõ. Ñande ñamanómava’ekue angaipápe g̃uarã, mba’éicha piko jaikovetañaína gueteri ipype.

Ndapeikuaái piko, peñeme’ẽ ramo peteĩ járape peikova’erãha hembiguái ramo, peẽ peneñe’ẽrenduva’erã ichupe; ha péicha avei peẽ peneñe’ẽrendu ramo angaipápe pende jarapeguáicha ramo peẽ peiko hembiguái ramo, ko ñe’ẽrendu kóva ogueruva’erã katuete pene ñemanorã, ha peẽ peneñe’ẽrendu ramo peína Ñanderuetépe, Ha’e penemboheko potĩva’erã.

Ko’ág̃a jagradece Ñanderuetépe, angaipa rembiguái rire jepe peẽ, ko’ág̃a peneñe’ẽrendupeína pende py’aite guive peñeme’ẽmbávo pe tekombo’e pyahu poguýpe ohekombo’éva pende rekove. Peñemosãsóma angaipa pu’aka poguýgui, oiko hag̃ua pendehegui teko potĩ rembiguái.