ខគម្ពីរពេញនិយមពី Matéo 24

ចែក​រំលែក

Ha pe ñaña reko okakuaaitereígui, pe mborayhu ho’ysãveva’erã ohóvo. Ha upe ogueropu’akáva ipahaite peve, péva ojesalvava’erã katuete.

Ha Ñanderuete retãguasu ha pe evangélio oñemyasãita oparupiete ko yvy ape ári techaukaha ramo opaite tetãnguérape g̃uarã. Uperire ae oúta pe ára paha.

Ha pehendu ramo oikoha ñorãirõguasu ha ñorãirõguasurã rerakuã, pema’ẽke, ani peñemondýi, ojehupava’erã ko’ã mba’e; ndaha’emo’ãi gueteri katu pe ára paha.

Tetãnguéra opu’ãmbáta ojuehe, ha tetã ruvichakuéra ojuehe, ha oúta ñembyahýi ha heta henda rupi oikóta yvy ryrýi. Ha ko’ã mba’e ningo pe jehasa asyguasu ñepyrũmbýnte, ku kuña imembymbotávaicha.

Yvagakuéra ha yvy ohasapáta, che ñe’ẽ katu ndohasamo’ãi ojejohu’ỹre.

Heta oĩ oútava gueteri che rérape ha he’ítava: Che ha’e pe Crísto ha ombotavýta hetápe.

Ha upérõ peẽ peñemyangekõi asýta, ha’ekuéra pendejukáta ha opaite tetãnguéra oñemoĩta penderehe che réra rehe. Upéramo heta oñepysãngava’erã ha ho’áta angaipápe, ha oñome’ẽva’erã mburuvicha pópe, ha ndojohayhuveiva’erã. Opu’ãva’erã heta proféta gua’u, ha ha’ekuéra ombotavýta hetápe.

Ha Hesu he’i ichupekuéra: Pema’ẽ porãke ani hag̃ua avave penembotavy.

Upévare peñembosako’íkena; peha’ãrõ’ỹve javénte oúta yvyarigua Ra’y (Hesu Crísto).

Upévare peñembosako’i porãke ndapeikuaáigui araka’épa oúta pende Jára.

Upe ára ha upe hóra katu avave ndoikuaái, ni yvága rembiguaikuéra ni yvyarigua Ra’y ndoikuaái, Ñanderuete añoiténte oikuaa umi mba’e.

Ouva’erã ningo heta Crísto gua’u, ha proféta gua’u ojapóva techaukaha ha tembiapo techapyrãva oporombotavy hag̃ua ha ikatu ramo umi ojeporavopyrévape jepe.

Umi Noe ára peguaréicha, upeichaite oikóta avei yvyarigua Ra’y ou jevýrõ g̃uarã. Pe amaguasuete mboyve ha’ekuéra okaru, hoy’u, omenda ha oñomomenda, Noe ojupiha ára peve ibarcoguasúpe. Umi tetãyguakuéra ndohechakuaái pe amaguasuete ou peve ha ohundi opavavépe, upéicha ojehu jevýta avei yvyarigua Ra’y ou vove.