ខគម្ពីរពេញនិយមពី Matéo 22

ចែក​រំលែក

Ha Hesu he’i ichupe: Ehayhu Ñanderuetépe, nde Járape, nde py’aite guive, ha ne angaite guive ha ne apytu’ũnguaite guive (arandukue reheve). Kóva ningo pe tembiapoukapy tenondeveguáva ha pe ituichavéva. Ha pe mokõiha pegua ningo koichaguaiténte avei: Rehayhuva’erã nde rapichápe, nde rejehayhu haichaite.

Ha ko’ã mokõi tembiapoukapy rehe oñeñapytĩ (oñembojoapy) opaite Moises rembiapoukapykuéra ha profetakuéra ñe’ẽnguéra.

Heta ningo oñehenóiva, ha mbovymi umi ojeporavótava.

Ojeikove jevývo ningo ndaiporimo’ãi menda ni noñemomendamo’ãi; pe yvágape ningo ojeikóta umi yvága rembiguaichaite (angelkueraichaite).

Pehechauka chéve pe pirapire oñeme’ẽva’erãva impuésto ramo. Ha ogueru ichupe hikuái peteĩ denário (monéda ovaléva 6 grámo óro morotĩ). Ha Hesu oporandu ichupekuéra: Máva ra’ãngápa kóva ha máva rérapa ojehai hese. Ha he’i ichupe hikuái: César mba’e. Upévo Hesu he’i ichupekuéra: Peme’ẽ Césarpe, César mba’éva, ha Ñanderuetépe, Ñanderuete mba’éva.