ខគម្ពីរពេញនិយមពី Matéo 19

ចែក​រំលែក

Hesu oma’ẽ hesekuéra ha he’i: Yvyariguakuérape g̃uarã ningo ndaikatúi voi, Ñanderuetépe g̃uarã katu opaite mba’e ikatu.

Ha péicha ramo ndaha’evéima mokõi tete, peteĩntema (peteĩ to’o). Upévare umi yvyariguakuéra Ñanderuete ombojoajumava’ekue, yvyariguakuéra ndoipe’aveimava’erã ojuehegui mba’evéicharõ.

Ha Hesu he’i ichupekuéra: Ndapeikuaái piko Ñanderuete kuatiañe’ẽ he’iha: Iñepyrũmbýpe Ha’e ojapo ypyva’ekue peteĩ kuimba’e ha peteĩ kuña. Ha he’i hague: Pe kuimba’e ohejava’erã itúva ha isýpe ha ojoajuva’erã hembireko ndive, oiko hag̃ua mokõivévagui peteĩ to’o añóntema.

Hesu katu he’i: Peheja mitãkuérape tou che rendápe, ha ani pejokótei ichupekuéra, umi upéicha oikóvape oñeme’ẽ Ñanderuete retãguasu (réino).

Ha heta itenondevahína itapykueva’erã, ha itapykuevahína itenondeva’erã.

Ha oimeraẽva ohejava’ekue hóga, térã ityke’ýra, heindy, isy, ita’ýra térã ikokue che réra rayhupápe, ohupityva’erã 100 jevyve, ha oguerekóta pe tekove tapia g̃uarãva.

Ha Hesu he’i ichupe: Nde reko porãmbase ramo, tereho eñemumba opaite mba’e reguerekóva guive rehe, ha hepykue eme’ẽmba mboriahúpe, ha reguerekóta mba’erepyeta yvágape, ha upéi eju che rapykuéri.

Ha Hesu he’i ichupe: Mba’érehe piko reporandu chéve mba’eporã rehe. Peteĩnte ningo pe iporãva (ha péva Ñanderuete). Ha reikese ramo pe tekovetépe ejapo hembiapoukapykuéra.

Ha Che ha’e jevy peẽme, ndahasyveiha peteĩ guéi ohasa hag̃ua ju resa rupi, peteĩ ipirapire hetávagui oike hag̃ua Ñanderuete retãguasúpe.

Che katu ha’e peẽme: Oimeraẽ opoíva hembirekógui, ndaha’éi ramo ombyaígui heko vai rupi imenda reko, ha omenda ramo ambue rehe, upéicharamo omongy’a imendare.

Ha Hesu he’i hemimbo’ekuérape: Añetehápe Che ha’e peẽme hasytereiha peteĩ ipirapire hetávape oike hag̃ua Ñanderuete retãguasúpe.