ខគម្ពីរពេញនិយមពី Juan 10

ចែក​រំលែក

Umi mondaha ningo ou omonda ha oporohundi hag̃uánte, Che katu aju ame’ẽ hag̃ua pe tekove añeteguáva ha hemby hag̃ua gueteri.

Che ningo pe ovecha rerekua añetéva. Pe terekua añeteguáva ome’ẽ hekoveteéva ijovecha rehehápe.

Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Ha Che ame’ẽ ichupekuéra tekove tapia g̃uarãva, ha noñehundimo’ãi máramo, ha avavete ndoipe’amo’ãi ichupekuéra che pógui.

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Che katu pe ovecha rerekua añeteguáva, aikuaa porã che ovechakuéra, pe chemba’epágui.

Che Ruete ipu’akapa ha Ha’e voi ome’ẽma chéve umi ovechakuéra, ha avavete ndoipe’amo’ãi ichupekuéra che Ruete pógui. Che ha che Ruete peteĩchánte voi.

Che Ruete chekuaa háicha, Che aikuaa avei che Ruetépe. Che ame’ẽ che rekove che ovechakuéra rehe.

Avave ndoipe’amo’ãi chehegui che rekove, che chejehegui voínte ame’ẽ. Che ningo areko pe pu’aka ame’ẽ hag̃ua che rekove, ha ajapyhy jevy hag̃ua.

Upérõ Hesu he’i jevy ichupekuéra: Añetehápe, añetehápe, ha’e peẽme: Che ningo pe okẽ ovechakuéra ohasa hag̃ua.

Ha peteĩ tembiguái katu ndaha’éiva terekua porãva ha umi ovecha naimba’éigui avei, ohechávo ou pe aguaraguasu, oheja rei umi ovecha ha okañy, ha pe aguaraguasu ogueraha ha omosarambipa umi ovecha.

Añetehápe, añetehápe ha’e peẽme: Upe oike’ỹva ovecha kora rokẽ rupi ha upe ohasáva ikorajere árinte, upéva ningo mondaha.