ខគម្ពីរពេញនិយមពី Mark 6

ចែក​រំលែក

Ḵanan Jesus, “Intaḵu'tte bumbummaaw ta awad inon taḵu we umillong aḵ aḵit.” Te ampasapasani da umoyon ḵan dumatong ya naippun inondae angan.

Ḵanana ḵan dida, “Mapatgan profeta we an-uuggudon Apudyus atta udume ili yaḵon adipun mapatgan atta ḵailiyana, susunudna ya da ḵabaḻyanna.”

Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida te isudan karnero we ippun anangḵon ḵan dida. Pune sadi, insaḻadnae nantuttudu'tta adu we banag ḵan dida.

Gapu ta adidapun namati, adipun nangwa'ḵ adu we nakaskasdaaw sidi, abus impatayna imana'tta aḵite nasaḵit ta maḵaan da saḵitda. Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Naabus ḵad, innaḻan Jesus limae tinapay ya sa duwae ugadiw woḵ nantangad ad langite nanggappiya ḵan Apudyus. Pun binisbisaḵna da tinapay ya da ugadiw woḵ innatodna'tta disipuluna ta iwaḻasda. Pun nanganda losan woḵ nassugda. Nagangputda ḵad, dinagup da apostol da nabun-an. Pun napnu nasawaḻan aḵ duwae aḵḵubaw.