ខគម្ពីរពេញនិយមពី Mark 13

ចែក​រំលែក

Sasangngaan os diḵayu'tta losane tagu gapu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Pun ummanyu ya pasig ḵayu naḵasagana te ippun igammuyu nu ḵamaan ni maḵwaanda.

Ḵad nu sumaḻyaonda diḵayu, adi ḵayu ambinsaw atta isongbatyu yaḵon ibagayu da ngaimane mipaigammu ḵan diḵayu si sadi ye timpu. Te daḵampun ḵan diḵayu maḻpuwan ni ibagayu yaḵon sa Ispiritu Santu.

Amungtu losan da awad ad langit ya sina'd luta yaḵon adipun amungtu da ugudḵu.”

Pinagatupan Jesus woḵ ḵanana, “Naippun angigammu'tte aḻgaw baḵon nu timpu we mituttuwaanda. Taḵon ay da anghel ad langit, ippun igammuda. Ḵad taḵon ay saḵone Abeng Apudyus ippun os igammuḵ. Te ippun udum aḵ angigammu, abus aḵ Apudyus we Ama.

Ḵad nu dongngonyu we awad gubat atta adani ḵan adayu we ili, adi ḵayu umogyat te ḵasapuḻane maḵwa da sana. Yaḵon daampun yan anungus ni lubung.

Pun ansagana ḵayu te ippun igammuyu nu ḵamaan ni mipauliyaḵe simboḻoy, ḵugḵugab, gawallabi, madam-an taḻun, baḵon nu wiḵwiḵis. Ḵad nu madanatongaḵ, adiḵ oḵyan odasan diḵayu we masusuyop. Da sanae imbilinḵu ḵan diḵayu, ibilinḵu bos atta losane tagu ta ansagana ḵayu losan.”

Te anggugubat yan da adu we ili ya da adu we gubilnu. Ḵad awad os da lunig ḵan inggi atta adu we ili. Yaḵon da sana, isun ni misaḻdan da losane ampaḵaḻamane isuna bubai ye anggumut.

Ḵasapuḻane umuna yan mibaga Ambaḻu we Damag atta losane ili'tte luta asiyot anungus ni lubung.

Te sa umali ye aḻgaw, adu da tagu we umali ya usaronda ngadanḵu ya ang-angwadae dida Kristu, gapu si ḵanandae ‘Saḵon Kristu,’ ḵad adu da tagu we allelawonda.

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Pinagatupan Jesus woḵ ḵanana, “Nu magangput ampaḵaḻamanda, gumiḵbot init. Sa soḻag ḵad, adipun ogon allangḻang. Maottag da bituwone maḻpu'd langit ḵad miyugayug da losane awad ad langit.