ខគម្ពីរពេញនិយមពី रोमियों 8

ចែក​រំលែក

अर आपा जाणा छा क ज्यो लोग परमेसर सुं परेम रखाण्अ छ वां बेई सबळी बाता मलर भलाई पैदा करअ छ। मतबल वां बेई ज्यो बीकी मन्सा सुं बलाया गिया छ।

क्युं क म पक्‍कोई जाणु छु क न्अ तो मोत अर न्अ जन्दगी, न्अ सरगदूत अर न्अ राज करबाळी दुष्टात्मा, न्अ अबार की कोई चीजा अर न्अ आबाळी कोई चीजा, न्अ सक्‍तया, न्अ कोई ऊंचाई अर न्अ कोई गेराई, न्अ सृष्टी की कोई दूसरी चीजा आपान्अ परमेसर का परेम सुं न्यारो कोन कर सक्अ, ज्यो आपणा परबु मसी ईसु मं छ।

पवितर-आत्मा आपणा दूबळा पणा मं आपणी सायता करअ छ, क्युं क आपा कोन जाणा क आपा कस्या तरीका सुं परातना करां। पण आत्मा खुद अस्यान करा'र आपण्अ बेई परातना करअ छ ज्यांन्अ सब्दा मं कोन बतायो जा सक्अ।

तो ईन्अ देखर म्हे कांई खेवां? अर ज्यो परमेसर आपणी ओड़ी छ तो आपणा बिरोध मं कुण हो सक्अ छ?

अस्यान अब वां बेई ज्यो मसी ईसु म बण मेल्या छ, कोई डण्ड कोन छ। क्युं क वे काया सुं नही पण आत्मा सुं चाल्अ छ।

काया मन लगाबाळा मनखा को अन्त मोत छ, पण आत्मा प्अ मन लगाबाळा को फळ जन्दगी अर सान्ति छ।

पण या सबळी बाता मं आपा उसुं ज्यो आपसुं परेम कर्यो छ एक जोरदार जीत पारया छा।

क्युं क मं समझु छु, क ई बगत का दुख अर कळेस उं महमा क साम्अ ज्यो आपा प परगट होबाळी छ, कांई बी कोन्अ।

अस्यानको कुण छ ज्यो म्हान्अ मसी का परेम सुं न्यारो करअलो? दुख या मुसिबत या अत्याचार या काळ या नातकणो पणो या जोखम या तलवार?

अर मन न्अ परखबाळो जाण्अ छ क आत्मा की मन्सा कांई छ? क्युं क परमेसर की मन्सा सुंई वा परमेसर का पवितर मनखा बेई अरदास करअ छ।

ज्यो परमेसर की आत्मा की जस्यान चाल्अ छ वे परमेसर का ओलाद छ।

क्युं क वे ज्यो खुदकी काया का सुभाऊ सुं जीव्अ छ, वांका मन काया की मन्सा मं लाग्या रेव्अ छ पण वे ज्यो आत्मा की जस्यान जीव्अ छ वांका मन ज्यो आत्मा छाव्अ छ वा बाता मं लगाव्अ छ।

वो ज्यो खुदका छोरा न्अ बी बचार कोन रखाण्यो पण उन्अ आपा सबळा बेई मरबा बेई सुंप दियो। वो आपान्अ सब कुछ क्युं कोन देव्अलो?

वो पवितर-आत्मा खुद आपणी आत्मा की लारा मलर गुवाई देव्अ छ क आपा परमेसर की ओलाद छा। अर ज्यो आपा बीकी ओलाद छा तो वारिस बी छा। परमेसर का वारिस अर मसी की लार पांतिदार छा, अर ज्यो आपा बीकी लांरा दुख मं पांतिदार छा, तो बीकी लारा महमा मं बी पांतिदार छा।

काया प्अ मन लगाबो परमेसर को बिरोध छ। क्युं क वो न्अ तो परमेसर का निम न्अ मान्अ अर न्अ मान सक्अ।

क्युं क या सृष्टी बड़ी आस लगार उं बगत की बाठनाळरी छ जद्‍या परमेसर की ओलाद न्अ परगट कर्यो जाव्अलो।

क्युं क आपा जाणा छा क आजताणी सबळी सृष्टी जणबा की पिड़ा जस्यानकी पिड़ा सुं कराती अर थडपड़ारी छ।