ខគម្ពីរពេញនិយមពី Matewuji 6

ចែក​រំលែក

Nyo mbwenye mubabihe zuzumela Umwene wa Mulugu vamohi no irana upama unafuna liye. Mwairana eno, jatene ejo munowendjediwa.

<<Nona, kamuzuzumelege ja metchelo. Tchoira ja metchelo jinosambawulreya metchelo evo. So mbwenye ifwanele muzuzumelege makatamiho anaufwanyani siku na peno.>>

Nona nnouwandelani ira nyo kamukale okukumuwela ingumi yenyu muiraga: <Kodi hiyo nnadje nni?> Nne kamukukumuwele ira: <Nnang'we nni?> Nne kamukukumuwele maningo enyu ira: <Nnaware nni?> Kodi ingumi na udja, ilukulu yofuneya kwaranya kahi ingumi? Eto kodi maningo na yowara, ilukulu yofuneya kwaranya kahi maningo?

Nyo mbwenye ifwanele mutu afunaga lobela, avolowe mmba, afunge musuwo, anvepe Babinyu wenno ahanaoneya. Evale Babinyu wenno unaona jokoyeya jatene gunafuna mutambilriha.

<<Lobela uwa inafwanela mulobelege na makalelo ala: Baba wehu muli zulu, nzina nenyu nititimihiwe. Umwene wenyu uze, funa wenyu uireye mwilamboni ya vati nnga funa wenyu unaireya atu ilambo ya zulu.

Munivahe peno udja wehu wa siku na siku.

Munilevelele jotega jehu nnga nnaaleveleletcha hiyo ale ananitegela.

Kamunihiye ira nixixiwe, mbwenye munivunele mwa jotakala. Tchoira umwene watene, kopolo datene, undimuwa watene jatene ejo ti jenyu kala no kala. Ame.

<<Mwasiwa nyo mwaakurumuwela atu joviringaniha jiwa, Babinyu wa zulu na liyene unoukurumuwelani.

Muone mbalrame dovava zulu. Kannazala, kannahanda, kannahelela musandjani. Mbwenye Babinyu wa zulu gunavaha poso. Kodi nyo kamuli ofuneya vamentoni va Mulugu kwaranya mbalrame dedo?

<<Kamukoye jorayela jenyu ilambo ya vati. Mwasiwa mwilamboni ya vati mukala anantumbwa anatakuna jengo, mukala kwiti nnanonga jengo eto mukala ambava anagudjula, kabaga jengo. Mbwenye mukoye jorayela jenyu ilambo ya zulu wewo wahali anantumbwa, wahali kwiti eto wewo ambava wahanawanda atu gudjula nne ba. Tchoira wewo unafuna kala jorayela jawo, murimawo eto unakala wewo.

<<Kalivo mutu unawanda alaba ambwiye ambinli. Mmohi unerege muvwelela, muziveliwaga. Eto mmohiwole unerege muida, mpetaga. Kavali jowandeya eto ira mutu awande muhara Mulugu na ja kobiri tempu imohive.

Tchoira akala Mulugu unowanda wariha mpinda wa mukokolani, wenno unakalawo peno bahi eto metchelo adowa atatileliwa vanikusani, kodi liye kanauwarihani nyo? Nyo eto muli atu okana nroromelo noyeva.

<<Zela nyo mbwenye, mwafunaga nvaha yengo mutu osimela, kammuonihe muwono wenyu oromana mabasa munalaba nyo na muwono wenyu odjana. Muiregena eno ira jovaha jenyu jikale jokoyeya. Mwaira eno Babinyu wenno unaona jinaireya mokoyeya, liye gunautambilrihani.

<<Inafwanela muing'ane pama zela makalelo anafuna nyo hinda mabasa a Mulugu. Kamuiregena japama vatando mofuna ira atu kauteteleni. Mwairana eno, kamunna yotambilra yokumela wa Babinyu zulu.

<<Eto mwajejuwarigi, kamukalege sisee nnga jinera angongomwa. Mwasiwa aliwa kajejuwarigi, anosandutcha kove diwa ira atu kaaone ira peno atwale anajejuwari. Na ibaribari nnouwandelani ira aliwa kohomala watchela yotambilra yewa. Nyo mbwenye mwajejuwarigi, ifwanele muvihuwe kovinyu pama, muvizolihe murwinyu makura ira mwahaoneye na atu ira munajejuwari mbwenye muoneye na Babinyu ahanaoneya. Mwaira eno, Babinyu wenno ahanaoneya gunafuna utambilrihani.