ខគម្ពីរពេញនិយមពី Zoɛl 1

ចែក​រំលែក

Amun `kle nglɛmun cilɛ blɛ kun. Amun `flɛflɛ amun wun nan an `yia anyia dan kpa kun. Amun `yia ngbɛn mun ɔ nin klɔ'n su sran'm be kwlaa Anannganman i sua'n nun lɔ nan an `srɛ tantrantan kpa kɛ ɔ ´de amun.

Nyanmiɛn nyrun jranfuɛ mun, an `wla bajɛ tralɛ, amun `koko. Amun bɔ be jran Nyanmiɛn nyrun'n, an `bo awuyomo. Nyanmiɛn i junman difuɛ mun, an `tran awlaboɛ nun kɔnguɛ lele man aliɛ'n cɛn amun. Yɛlɛ kɛ like nga be fa ko mɛn i i sua nun lɔ'n, ɔ nin nzan nga be guɛ i ase be mɛn i'n, ɔ nun-man nun sɔ kun.

Vinyi'm b'a wu kee, figie'm b'a glɔ. I grenadie o, i nglesia o, i pɔmun waka o, i sɔ waka liɛ'n kwlaa bɔ be tali be'n, be kwlaa b'a kpese kpan. Ɔ man aklunjuɛ nun-man klɔ sran'm bé sa nun kun.