ខគម្ពីរពេញនិយមពី Ezekiɛl 4

ចែក​រំលែក

I sin'n, la ɔ́ sa bɛ'n su, blɛ'n kwlaa nga a ´la ɔ́ sa bɛ su sɔ'n, a wa sua Izraɛl famiɛn diwlɛ'n nunfuɛ'm bé sa tɛ mun, yɛ a wa fɛ bé sa tɛ sɔ'm bé su afɛ'n. Ɔ fɛlɛ'n i blɛ'n nin afuɛ nga be dili i sa tɛ'n i yolɛ'n nun'n ɔ ´sɛ. A wa sua Izraɛlfuɛ'm be sa tɛ'n i su afɛ'n sɔ lele cɛn ba ya nsan cɛn ba ablangwlan.

Kɛ a ko di i sɔ cɛn ba liɛ mun b'ɔ ko wie'n, la ɔ́ sa fama'n su siɛn'n, a wa sua Zidafuɛ'm bé sa tɛ liɛ mun cɛn ba ablanan. I sɔ nun'n, cɛn ba kun nga m mian wɔ bɔ a di'n, ɔ nin afuɛ nuan kun bɔ be dili i i sa tɛ yolɛ nun'n be ´sɛ.

Fa ble, nin ɔrz, nin fɛv, nin alowa mma, nin kalɔ, ɔ nin ble fekle, fɛ i kwlaa sɔ'n gua like kun nun, sanngan be nun nan fa yo ɔ kpaun. Ɔ like nga kɛ bɔ a ´la ɔ́ sa kun su cɛn ba ya nsan cɛn ba ablangwlan'n a ´di'n, yɛ ɔ o lɛ-ɔ.