ខគម្ពីរពេញនិយមពី Aliro̍om 14

ចែក​រំលែក

Wu̍chē oji̍ nɛ, lɛlā yī ɔchwɔ̄lɛ̍ Oro̍ōre̍ yī Ɔwɔ i̍ lā ku ojōre̍ oro̍ōre̍ kɛ̄ɛ ɔjā ɔgwɔ̍ɔ̄gwa̍ ni̍. Ode lɛ kpakpa la eyī yī Ɔwɔ, ba̍la ogbodɔ̍dɔ̍ ba̍la ɔwɔ̄wīyā nīi Uhu yī Ɔwɔ, ē de ma̍, anu̍ hɔ̄ la anu̍ a̍nɛ. Ɔ̄chɛ nīi ge̍ hɔ̍chɛ̍ yī Ikra̍yisi gala ɔpɔ̄pū oli̍ngɛ̍ɛ̄nɛ̄ nūma̍, ɔlɔjā ge̍ē ya̍ lɛ Ɔwɔ wɔnyɛ. Āchɛ̄ɛchɛ chī ge̍ē gba̍a ē ka ɔnɛ̄ɛhɛhi yī ɔ̄chɛ ɔlɔjā.

Alɔ ge̍ hɔ̄leyī, Ādā Nīi - Ɔwɔ Ma̍ nīi alɔ hɔ̄ de ɔ̍ a̍nɛ. Alɔ ge̍ chī pīyaku̍, Ādā Nīi - Ɔwɔ Ma̍ nīi alɔ ku̍ de ɔ̍ a̍nɛ. Bū la ɛbɛ ɔla̍ā, o̍ ge̍ ro̍ōre̍ka alɔ hɔ̄leyī kɛ̄ɛ ko̍ōku̍ oo, Ādā Nīi - Ɔwɔ Ma̍ nīi alɔ - iyī nū a̍nɛ.

O̍ lɛ i̍ngɔ̍ɔ ma̍, alɔ ā deyīku lɛlā nīi ge̍ē bī ogbodɔ̍dɔ̍ wā ma̍ myɛ̄grāa-myɛ̄grāa gɛ. Alɔ ā ya̍ ɔjā nīi ge̍ē tū ɔ̍nyīnū wɔbɔ̄ nīi o̍ ge̍ē lɛ brii ma̍ myɛ̄grāa-myɛ̄grāa.

Wu̍chē yī ɔla̍ā, alɔ ā pi̍ye̍mā la ɔya̍ ɔ̍nyīnū lɛfiyɛ gɛ. Ɔkɔkɔ ɔla̍ā, i̍ngɛ̍ɛ̄nɛ̄ ngma̍ nīi alɔ ge̍ē miya a̍nɛ: Alɔ ā ya̍ lɛlɛ̄lā nīi ge̍ē ya̍ nīi ɔɔ̍nɛ̍ yī alɔ ɔha̍ ge̍ē ti̍ingla̍ kɛ̄ɛ ngma̍ ta̍tū la lɛlā ɔdwɔ̄bi̍ ma̍ ni̍.

Wu̍chē oji̍ nɛ, Īpū yī Ɔwɔ ka ɔ̍lɔ ge̍, “Ami Ādā ka a̍nɛ. Kpɛɛ nīi n hɔ̄leyī ma̍, ɔ̄chɛmɔ̄chɛ ge̍ē de ūnōowu ē tāajɛ ē de u. Ɔ̄chɛmɔ̄chɛ ge̍ē de ka ē hi̍yɛchɛ hwōō hīka amɔ̍lɔ - Ɔwɔ nɛ.” O̍ lɛ i̍ngɔ̍ɔ ma̍, Ɔwɔ nīi ɔ̄chɛmɔ̄chɛ lipu̍ yī alɔ ge̍ē koko̍o yī lɛlā yī nū wa̍a̍ la iyɔ̄bū yī nū a̍nɛ.

Ɔ̄chɛ ɔha̍ ge̍ hɔ̄ abɔ̍ɔ la olo̍ōlo̍ yī ala̍ nīi ɔtū ode chōche yī nū i̍ ge̍ lɔ̄lɛ brii ni̍, ala̍ tu̍ ɔ̄ bli̍īyē yɛ̍yɛ̍. Ala̍ e̍e ta̍ahu̍ ba̍la anu̍ wu̍chē yī lɛlā nīi anu̍ ɔlɔjā gbɛri̍ya̍ ma̍ ni̍.

Awɔ u̍tu - ɔ̄nyɛ nɛ nīi ge̍ ya̍ ɔ̍chɛ̍ yī ɔ̄chɛ ɔha̍ lɛfiyɛ ma̍? Je̍ka aa̍ abā yī nū ge̍ē ka hīka ɔ̍lɔ ya̍ yɛ̍yɛ̍ kɛ̄ɛ ɔ̍lɔ i̍ ya̍ yɛ̍yɛ̍ ni̍ a̍nɛ? O̍ chī ge̍ē ya̍ yɛ̍yɛ̍; wu̍chē oji̍ nɛ, Ādā ɔlɔjā lwɔhu̍ ge̍ē ya̍ nīi o̍ ē ya̍ yɛ̍yɛ̍ mɛ.