ខគម្ពីរពេញនិយមពី BBN 12

ចែក​រំលែក

Dɛnaa pɛ: «Ma á re boe Ezipti gána lɛ gɔ́ɔ̃-n bɛa pinaa tèlò kɛ lɛ nɛ. Ma á re gána lɛ a nɛgiĩ bibinaan yii dii ǹ gã, minbuiinin laanka tɔɔn wɔn nɛ. Ma á re a dɔlɔ boe Ezipti gána a dì din tumaa ganaa. Ma din lɛ n Dɛnaa lɛa. Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Lɛ̀ woo lɛ̀, ka die ka n yiri gisĩ bɛa sii kɛ lɛ nɛ, ka baa zɔ́n gole lɛa, ka masɛ guguru kɔ nɛ. A n sii lɛa, màn mɛn ná a sàabiɛ doo duduu wa.»

Bɛ̀ kaa nɛnyaanan nə́ nɔ̀n da mà landa sii ke, ka á zɛnɛɛ, mà a n wàa giala pii, ka die ka pɛ ǹ nɛ kɛnɛn: «*Kiɛ̃mala ǹ zɔ́n *wúlu màn nɛ, wɔ á boe koe Dɛnaa la. A giala, a na á kiɛ̃, á wɔsɛn Izirayeli nɛnyaanan kionən toa walan Ezipti gána nɛ. A bɛ́ bɔ̀n diɛ Ezipti gána minin ganaa, á wɔsɛn kion minin si gɛ̀ la.» Zaman lɛ kaa tán, á Lawa guguru kɔ.