ខគម្ពីរពេញនិយមពី San Mateo 24

ចែក​រំលែក

Watagazi tamalha, te tixeke gsanke labirhe ye'akiekene bichileza'ake. Te no se'a tzotzo xhchhinte'a dza yelhalhe, walha.

Te rson wen ni ki yelarne'abe'a ki Diozo zajtixaje'eke sdo xhen lichhileyo', kinda yogote'a yechhi xhen gonbe'ake; na'arhe xhchhin dza yelhalhe.

Lén yenhelhe rson chi rhaka dila kinlakanla; te bisdzebilhe, le'a kanksi rhala gaka; le'an lagane naka dza yelhalhe.

Le'a to yechhi xhen tila le'an yeto' yechhi xhen te yeto' yechhi gonhe dila le'an yeto'; te wata gbin ki tan guia'aj gagorha kan wade' bedoxho'o kinlakanla. Tan naka ta zi rzolhozi ki yelarzakaya'a.

Yeba' le'an lichhileyo' yenitika, zan xhtidza labi tezi kan waka kumplirhe.

Le'a widake tixeke gonke zi ne'adia. Sne'ake: Ne'adia Cristo, te siekene ye'a bene zen.

Te yodeke lén kinda gsakaya'ake lén; te gotike lén, kan sdo xhen lichhileyo' sle'ekene lén zi nia' ki xhtidza. Tina'a tixeke gsanke tan rheajkeneye'a ne'adia, sle'ekene zi' leza'ake kan yodeke leza'ake. Wida ka bene gxhiye'a sne'ake rtzalajke laza Diozo, te siekene ye'a bene zen.

Jesús bochhie' kie'ake: —Legon kuidado kinda bino sie ye'a lén.

Tanka, le'aksikan lén lesoa banisi; le'a Xhi'in bene bguio' wayede kati bigslano rbeza.

Lesoa lén banisi, le'a binezelhe nobi dza zeza'a Jesús.

Bino neze nobi dza kan tiembo, bigslano neze, ni ka angle zoake yeba', ni Xhi'inhe. Toga Xoze o Diozo nezene.

Le'a wida ka bene gxhiye'a sne'ake nakake Cristo kan bene gxhiye'a sne'ake rtzalajke laza Diozo; te gonke bikaka milagre banachhi, kinda sike ye'a, chen gakake, le'ante'a ka bene chi nabeaj Diozo siekene ye'a.

Ka goka lo tiembo ki Noé, kan gaka kati zeza'a Xhi'in bene bguio'. Tina'a zia'alha kati zi galha yajsio' xhengolha, bchhinte'a dza kati Noé guioe' lo yo'o xhoa lo nisa, ka bene rhagoke rhea'ajke kan rtzaganake. Na kati bilha rbezake, golha yajsio' xhengolha te bea le'ake nisa. Kan gaka kati zeza'a Xhi'in bene bguio'.