ខគម្ពីរពេញនិយមពី San Mateo 18

ចែក​រំលែក

Le'a ga' rhedobike chopake o tzonake rla'ake ne'adia, na' zea' ne'adia gatzajlawe le'an le'ake.

Ten rhapa lén: Chen chopalhe lo lichhileyo' ni skoalhe tozi didza chen bi snabalhe gledzalhe Diozo, Xoza chhie'e yeba' wagone.

Na'arhe Jesús bledze to bindo, bze'ebi gatzajlawe ga' dzake Na gne': —Talite'a chen lén labi rtzalhe pensarhe malha rhonle te yakalhe ka' naka ka bindo ni, labi yeyo'olhe lo yelarne'abe'a ki Diozo.

Bene mazirhe za'aka lo yelarne'abe'a ki Diozo naka bene rexaj kuinhe kan rheyaka ka' bindo ni.

Kan no rzi'i lo lawa ka' to bindo ni, rzi'i ne'adia.

Talite'a yogote'a ta gonle gan lo lichhileyo' ni, le'aksikan gonle gan lo yeba', kan tan labi gonle gan lo lichhileyo' ni, le'aksikan gaka yeba'.

Jesús gne': —Kanteka gon Xoza chhie'e yeba' kie'alhe, chen len labi rhezixhenle sdolachhilhe ki bene bichilhe.

Notite'azi gon nonga chexajka lo dolaxhkia' ka bindo ni rheajkebiye'a ne'adia, wenkalha gaka kie' gzetajke le' lo nisado' garhe'adzo le'an to guiaj xhen ki molin naga lobe'e.

¿Nonaka rhe'akielhe? Chen to bene nape togayoa bekoxhilha te rnitiba toba, ¿xha labi ska'anhe bea' tapagalaj che'anaj lo guia', kinda tzeajlhe zadilhajlhe bekoxhilha nanitiba?