ខគម្ពីរពេញនិយមពី Marcos 6

ចែក​រំលែក

Jäts Jesús nyëë'mxëtë: —Mmintë wä'n tjaa'myë'n appak'itjötypy jäts npoo'kxë'n wäänë. Jä'ku ijtp y'ijjty jaa'y jya'at'të tsyoontë jakëjxts y'ijjty kä' awats'ëë'ny tmëëtëtë jäts pyoo'kxtë't wääne ok kya'ytyë't.

Nits Jesús nyëë'mxëtë: —Nitukkë'yë yëk'ayuujknajxpë yyëktsöky jäts yyëktëyjyawë oymyaa'jë, nippënts kyayëktëyjyawë kë'm kyajjpjoojty ok tyëjkëntüjpy nimyuku'uktëjjk kyattëyjyaa'w'ätyë.

Kuts Jesús jäjp jya'ajty jäts wyinajjky kanëw këjxm, jäjpts tpaajty nimaynyäxy jaa'y tëj yyo'ymyuktë, nits tpa'ayooy jä' jaa'y jä'ku najj jä' y'ijjty kyä'äxtë naa'xkë'n worrekë mati' ka'ijjtxëtë'p y'ijxy'ijtpë, nits tta'awan'axajjy pëntijjäty y'ijjty nyijaa'w'eepy.

Katits jatu'uk mëjjmay'ajjt mëjjputtëjjk'ëë'ny tyëknikkä'äjxjë'ëjky, jä'yë tkë'nixajjy tu'uk mäjtsk pa'amjaa'y nits tyëktsoojky. Jäts Jesús attëy'ajat ttattaany ku jä' myukukkajjp kyattëyjyaw'ätyë. Nits tsyoo'jny jäts nyijkxy ayam, najjts y'ijjty wyittity kya'amay kajjp kajjp.

Nits Jesús tkoony muwoxk tsajpkääky mëët jamäjtsk ajkx, jäts tsajpwinm pya't'ijxy nits tkunuu'kxtaajky, nitnë'mts ttujkwä'kxy tsajpkääky jäts tmooy y'ixpëjkpëttëjjk nits jaa'y tanipaattëtë't. Mëët ajkx tyëkniwaajt'ëëy. Nitukkë'yë jaa'y ku'uxyë kyaytyë. Kuts kaytyuk tpiimujknëtë mëët ajkx mati'jäty y'ijjty tëj yyëktsu'tstäny, majkmäjtsk käptyuj ojts y'ütsy.