ខគម្ពីរពេញនិយមពី Marcos 4

ចែក​រំលែក

Nits Jesús tyenkyuk'ajjty jäts mëjk tmukkäjpxy jä' pojj nits tnëëjmjaay maaxynyëëj: —¡Amontë! ¡Attëyëtë! Jätyë jä' tuuj pojj y'attëy'ajjty, jäts tukkë'yë mo'oty tyankëjjxy. Nits Jesús tnëëjmjaay y'ixpëjkpëttëjjk: —¿Tikëjx mtsë'ëkëtë? ¿Kä'änë'm miits yëkxon Yës Teety xtëyjyawëtë?

Tsë'ëjkë'y'oo'këjxtë'p jä' y'ijjty y'ixpëjkpëttëjjk nits nyayä'änyëtë tu'uk janitu'uk: —¿Pën jaa'y yë', ntsoj yë' y'ijxë pojj mëët maaxynyëëj myumatoyë?

Jäts Jesús tëj y'ijjty nyakyukkoy'ätyë myaatakkooy kanëw'ix'äjpy. Nits ojts tyëkniwijjtë, jäts tnëëjmjäätyë: —¡Wintsën! ¿Ntsoj mwinmay wä'n ëëts tkinkexy?

Mëët Jesús jyakwaany: «Winjawëtë yëkxon pëntij m'ijxtë'p mmatootë'p. Pëntsoj miits mmuku'uktëjjk xmo'otë xkijpxëtë, ninyajjts Yës Teety myëkwimpijjtxëtë't, jäts mmo'jëtë'p jä' jawäänë may.

Ninyajj Jesús wyaany: «Najj'ämpy Yës Teety kyuttujjk, naa'xkë'n tu'uk kamtumpëjaa'y ku myoojk tni'ipy: Oy jä' xyunaxt tsyunaxt, mya'at kyama'at, ninajjts jä' tka'ijxt ntsoj jä' y'ijxë myoojk myüxy jäts yöny.

Pënjäty ya'at aaw ayuujk tmatootë'p, winjawëtë yëkxon.»