ខគម្ពីរពេញនិយមពី Mateo 28

ចែក​រំលែក

Nëjkxtë'ts miits tukkë'yë tsajp'akita'aky nax'akita'aky jäts nnëëjmëtë jaa'y nits ëjts xpatuu'yo'oyty; yyëknëppät'të Yës Teety xyëëw këjxm, y'Uu'nk jäts Jyaa'wë'n këjxm, jäts ttokjat'të tkuytyu'ntë't tukkë'yë mati' ëjts miits tëj ntappawa'any. Nnijawëtë jäts ijtp ëjts miits nmëëtjää'jëtë't, kunë'm it naxwiin kyutakko'yty

Nits Jesús nyimiijnëtë winkon jäts nyëë'mxëtë: —Tëj ëjts Yës Teety xmo'oy mëjk'ajjt jäts nyëkkuttukt tsajpjotm mëët yaj it naxwiiny.

Nits jä' tsajpjaa'y tnëëjmjaay to'oxytyëjjktë: —Katij mtsë'ëkëtë. Nnijaa'w'eepy ëjts jäts Jesús m'ijxtäätyë'p mati' yëk'oo'ktë krus këjxm. Kä'äts jä' yaj pyën'ity, tëj jä' jyükypyeky naa'xkë'n jä' wyaany. Nnaxtë jäts x'ijxtë't maj jäjp yyëkkejjxy.

nits Jesús nyëë'mxëtë: —Katij mtsë'ëkëtë. Nëjkx xnëëjmëtë ëjts nmuku'uktëjjk jäts nyëjkxtë't Galilea, jäm ëjts jä' nmëëtnawyaattëtë't.

Nits teety niwintsën t'anëjkx'eetyë majaa'ytyëjjk jä'äts tyamëëtkäjpxy'eetyë tij tyu'ntë'p. Nits këjx'am meeny tmoytyë tsip'attänääpyë, jäts mëjk tnëëjmjäätyë: —Nëm miits mwa'antë't, jäts koots ku miits y'ijjty mma'atë nits jya'atë Jesús y'ixpëjkpëttëjjk jäts nyikkëjjx ttsëmkääjkjäätyë. Kuts yëkkuttujkpë tnijawë't, ëëts jä' nmëëtnakyajpxë'p jäts kä' miits tij mtsipjajjtxëtë't. Nits tsip'attänääpyë meeny tkontsootë jäts najj ttuntë naa'xkë'n yyëknëëjmjäätyë. Najjts judíostëjjk ixyam paat ya'at ayuujk tkajpxtë tmatya'aktë.