ខគម្ពីរពេញនិយមពី Yohana 12

ចែក​រំលែក

Mbesa muntu woong'ë uguntumamëa nene, imunoneye mweeso ang'onge nee. Na faafo fana nene ngutënda nërë na mutumami wane noo ugutënda wë faafo. Mbesa muntu woong'e winjë untumwmëa nene, Tata wane winjë umufa ikuryo.”

Mweeso unë uwuyanjëtë uduvi wakwe uguwuyaghaya, na mweeso unë uwuwëtë uduvi wakwe mu urëmi uruu uguuvëka gwa ufanga wa khae na khae.

Tutë, tuutë, nene ngumwëëra nyenye mpeke a ngano nëadëa ugwa fang'ë na ukuya, njeeso ëgusigha ëyëyo ëyëyo. Ëgweeso mbesa njeeso ëgukuya, ëgufa nkhari nyingë.

Nene najie mwino weru wa urëmi, usi muntu woong'e nëwang'uvëa nene atadahe gikhaa mu kitë.

Mbesa muntu watigheeya nkhani yane na wadëa uyikwatëëra njeeso, nene ntiumuramwëya mweeso. Gusoko nene ntinajaa uwuramwëya urëmi ëgweeso uwutua urëmi.

Mariamu agahora galëmbo ga ikuta nërina urumba uja ra ughuri üküü agamëvira mëghuu amwa Yesu na umëfyaghua gwa ntuka yakwe. Na nyumba asëë ëgakhoera munyunku wa urumba.

Uvii veeso vëgahora makhanja a mëtende na vëgadua gunji vëmusëngëëye. Vëgaanga vëuhanya, “Hosana! Muforiwa mweeso unë ujie gwa rina ra Müküü. Aforiwe Mutëmi wa Isiraeli!”

Na Yesu agavasucha, “Itungo rafikaa kunë Mwamuntu gwenda ukuriwa.