ខគម្ពីរពេញនិយមពី Maariko 14

ចែក​រំលែក

Taata, ku-uwe ghonswe igho nkobha gharë. Ku bhuyö ndakosabha unduusiri-ho ekekombe ikya inyaanyi eno. Kasi, otakaakora bhono öni nkutuna, kora bhono uwe ukutuna.”

Mwiyangarre, na mosaasaame Waryobha, okore motakaashe mushaashwe. Enkoro eratora ököghömërrya ukushaashwa, kasi inyanko, nö-möbhërë.”

No-bhoheene nkobhatëëbhya igha, ahasë honswe igho, hano Amangʼana Amaiya ghararaarekwenga ko-kebhara kono, engʼana eno omokari ono ankörëëyë, yonswe neraghambwenga, ko okomoheetoka.”

Mbe, akabhatëëbhya igha, “Enkoro iyaane ebhaabhayëëyë bhököngʼu, kya hano nkaakwa. Mwikare hano, mwiraarerre hamwë na öni.”

Mbe, enkaagha eno bhaaryanga, Yëësu akaghegha omokaate, akakumya Waryobha, akaghobhotora, akahaana abheegha abhaaye, na eno akabhatëëbhya igha, “Mogheghe, moraaghere, ghono ngo ömöbhërë ughwane.”

Ghwiki, akaghegha ekekombe ikya idivai, akakumya Waryobha, akahaana abheegha abhaaye, bhonswe igho bhakanywera ekekombe kiyö. Akabhatëëbhya igha, “Ghano ngo amaanyinga aghaane agha Imuuma ghano ghareeteke ko okoghera iya abhantö abhaaru.

Hano bhaarenga ko-nshera, Yëësu akatëëbhya abheegha abhaaye igha, “Bhëënyu bhonswe igho moraashe mongʼose ko bhoora yandëkirwë mo-Maandeko Amahörëëru igha, ‘Nendaateme omonaghya, amangʼöndi ghanyaraghane.’”

Mbe, bhoono mobhooke toghende. Tamaaha, ömöntö ono anyërëëyë inikö haangʼë arë.”

Yëësu akamötëëbhya igha, “No-bhoheene nkökötëëbhya igha, noraashe unyikaane katatö, setaraaraghora urwa kabhërë ubhutikö ubhwa reero.”