ខគម្ពីរពេញនិយមពី Ŋúnuyɔ 119

ចែក​រំលែក

Muɔ siɛnrɛ tiī fètinnɛ mi tɔliyɔ yiʔɛ mɛ́ gè nɛ́ ní kpìɛnmɛ mi koligo nī gè.

Mi 'muɔ nyasiɛnrɛ sɔ́migɔ dè nɛ̀ cò mi fungo nī gè, kire ga buu mi fǎga kapiile kpíʔile muɔ nɛ̄ʔ.

Mɛni sí nàgapunwɔ wi bé jáa bè wi tánʔagɛnmɛ sìɛn bè pi‑ kò fuɔnrɔ fùn ? Kire gī a wiī nɛ muɔ siɛnrɛ sɔ́migi de nɛ cògí dè.

Bàli pe Yewe nyakungɛngɛ siɛnrɛ cògí dè, níɛ wi caa nɛ́ pe funyɔ yi mìɛni ní yè, peli wuʔu kiī tànʔa.

Muɔ yē mi làridiʔɛ nɛ́ mi timɔzigeyɛgɛ. Mi 'mi sɔ̀ngirɔ taʔa dè muɔ siɛnrɛ nɛ̄ dè.

Ma sícilige kɛn m'mɛ́ kire ga buu mi de lúru muɔ Fànʔa Siɛnrɛ mɛ́ dè; m'béri ti koligo tari gè nɛ́ mi fungo ki mìɛni ní.

‑Mi nàzɔn cɛ̀li wè muɔ nyakungɛngɛ siɛnrɛ kɔli mɛ́ gè, ma fǎga ki yaʔa wi‑ yiʔɛ walinùʔɔriwɔ taala kɔli mɛ́ gèʔ.

Ki yé pɔ́ri mi mɛ́ mi‑ wuʔɔgɔ taa, bè muɔ fànʔa kele tɛnmɛ gèle.

Tire tiī nɛ mi fungo gbiʔɛlɛ gè mi wuʔɔgɔ nī gè: muɔ nyasiɛnrɛ tiī nɛ sìi kanʔa m'mɛ́.

‑Mi yiʔɛ kíni muɔ kajuudiʔɛlɛ koligo nɛ̄ gè, nɛ́ ki cɛ́n kire ki 'mi dɛ́ni.

Yewe yo, ‑mi tɛnmɛ muɔ fànʔa kele koligo nɛ̄ gè, kire ga buu mi‑ ke cò fúɔ bè nɔ̀ ki kúɔmɔ nɛ̄ bè.

Mi fungo ki 'nyɛni funbiɛnrɛ nɛ̄ dè; ma ŋɔri nyɔ́gɔ mi nī nɛ̀ yɛli nɛ́ muɔ nyasiɛnrɛ ní dè.

Cí! Muɔ Fànʔa Siɛnrɛ ti 'mi sɔ́migɔ nɛ̀ dɛ́ni ! Mi nɛ sɔ̀ngí ti nɛ̄ lɛ̀lɛ ó lɛ̀lɛ nī.