ខគម្ពីរពេញនិយមពី Matiye 2

ចែក​រំលែក

A pe 'jíin saʔa nī gè, nɛ̀ pùɔ nyaa wè baa nɛ́ Maari ní wè, wi yàa wè. A pe 'tìgi nɛ̀ káguro wáa, nɛ̀ kpuʔɔrɔ taʔa wi nɛ̄. Nɛ́ fali nɛ̀ pe tugoro sáʔala dè, nɛ̀ yɛrɛ yige nɛ̀ kpuʔɔrɔ kpíʔile pùɔ mɛ́ wè: tiɛ, nɛ́ wusuna, nɛ́ miiri sùnmɔ.

Ki 'nyaa Betilɛmi kàʔa nī Zezi wi cé sii, Zude tɛ́nimɛ nī; kùlofɔli Erodi cɛnyɛ nī ki 'puu. A ki 'nyaa kacɛ́nminɛ pálì 'yɛ̀ cɛngɛnyɛnifolimɛ kùlo mɛ́ lè, nɛ̀ pɛn Zerizalɛmi kàʔa mɛ́ gè, peli cé ŋɔgɔlɔ ke yérigɛnmɛ cɛ́n bè nyìʔɛnɛ nī lè. A pe pɛ́nì yúgolo kpíʔile nɛ́ jo: «Zuufulo kùlofɔli ŋáà wi 'sii wè, sétiʔɛni wi yē ? Ki 'nyaa weli nyɛ́nì wi ŋɔnɔ̀ nyaa lè cɛngɛnyɛnifoligɔli mɛ́ gè, a weli sí pɛn bè pa wi gbùʔɔrɔ.»

Bà kacɛ́nminɛ bálì pe 'ki nyaa gè, a ki 'pe dɛ́ni, pe fundaanra kpínʔini kpuʔɔ.

A Kulocɛliɛ wi 'juu nɛ́ pe ní ŋɔ́nigɔ nɛ̄ nɛ́ pe yɛ pe fǎga ní koli baa Erodi tiʔɛ nī gèʔ. A pe sí koligo káà kiiyɛ líɛ nɛ̀ kɛ́ pe kùlo mɛ́ lè. Bà pe 'kɛ́ bèle, a Kàfɔli wi nyìʔɛnɛ tundunwɔ wáà pɛ́nì wìi tìɛ Yusufu nɛ̄ wè nɛ́ wi yɛ̀: «Yɛ̀ ma pùɔ líɛ wè nɛ́ wi yàa ní wè, mari fé mari waa Ezipiti kùlo mɛ́, ye sa kò baa kire tiʔɛ nī gè, fúɔ bè taa mi ga juu nɛ́ muɔ ní. Ki 'nyaa Erodi wiī nɛ ki caa bè pùɔ kpúu wè.»