ខគម្ពីរពេញនិយមពី Matiye 15

ចែក​រំលែក

Siɛnrɛ díì sí ti sî yiri siɛn nyuɔ nī gè, tire sî kɔ́n fungo nī wī; tire sí ti nyɛ́ni siɛn nɔ́ri wè Kulocɛliɛ yiʔɛ mɛ́ gè. Nɛ̀ taʔa gíi nɛ̄, fungo nī sɔ̀ngibiire tiī nɛ kɔ́ngi, nɛ́ siɛnkpuʔu ní gè, nɛ́ ceyuugo ní gè, nɛ́ kanuʔɔrɔ ní dè, nɛ́ kàyuugo ní gè, nɛ́ káfinɛrɛ kajuumɔ ní bè, nɛ́ míɛcuʔɔgɔ siɛnrɛ ní dè.

Gìi ki nyɛ́ni jiin nyuɔ nī gè, kire bɛ̀ʔ ki nyɛ́ni siɛn nɔ́ri wèʔ, nɛ̀ sí ki taa gìi ki nyɛ́ni yigi nyuɔ nī gè kire ki sî siɛn núʔɔ wè.»

Nyawari nɛ̄ siɛnnɛ bálì piyē nɛ mi kpóri yákuɔ, nɛ̀ sí ki taa pe funyɔ nī yè pe 'líili mi nɛ̄. Kpuʔɔrɔ díì piyē nɛ tari mi nɛ̄ dè, ti mìɛni yē wíra wī. Ki 'nyaa siɛnnɛ kajuʔulo nɛ́ siɛnnɛ kaliʔɛlɛ yákuɔ nɛ̄ piyē nɛ siɛnnɛ tɛnmɛ bèle .»

Kire tiʔɛ nī gè a Zezi wi sí wi yɛ: «Cí, cɛliwɛ muɔ, muɔ tɛ́ngɛlɛ ni tɔ̀ni yē kpuɔlɔ ! Gìi muɔ nɛ caa gè, ki bé kpíʔile.» Kire lɛ̀lɛ nī lè a cɛliwɛ wi pori wi 'fali nɛ̀ puʔɔ sɛni.

A cɛliwɛ wi sɛ́nì káguro wáa wi táanni nɛ́ jo: «ʔé Kàfɔli, -mi sáʔa !» A Zezi wi 'wi yɛ: «Kiì yɛli we pìile pe suro líɛ bè wáa panbigele mɛ́ʔ.» A cɛliwɛ wi sí jo: «ʔaan, kányiʔɛ gī Kàfɔli, panbigele ke nɛ̂ sí nɛ ke kàfɔlilɔ pe siliiworo káa dè lìidiʔɛ nī gè.»