ខគម្ពីរពេញនិយមពី Matiye 10

ចែក​រំលែក

«Ki sí n'gɛ, mi 'yeli tun bɛ̀ sìnbaara tíɛlɛ kàdafiire sunʔɔmɔ nī. Kire kɛnmɛ nɛ̄ ye- yìye cò macɛ́n bɛ̀ wɔ̀burɔ tíɛlɛ, yé sí puu funyɔ ní yè fìiye bɛ̀ gòtogolo tíɛlɛ.

A siɛn ó siɛn nɛ ki caa bè bè wi sìi suɔ wè, wi bága pùunni wi sìi nī wè. A ŋìi sí pùunni wi sìi nī wè mi kɛnmɛ nɛ̄ bè, wi bága wi taa.

«Ye fǎri fìʔɛ́ʔ bìli nɛ̄ pe sî siɛn kpúu wè; piyè sí gbɛ̀ jáa bè siɛn pìle kpúu lèʔ. Ye- sí de fìʔɛ́ Kulocɛliɛ wire nɛ̄, wire ŋáà wi bé gbɛ̀ siɛn pìle pínɛ lè bè ni cúʔɔ nɛ́ siɛn cetinnɛ ní lè bànguɔ kàsun nī gè.

Nɛ̀ pínɛ a siɛn ŋíì sì wi tiiparigɛ líɛ gè nɛ́ taʔa mi kúrugu wèʔ, ki siɛn wiì nyuɔ nɛ̀ yɛli nɛ́ mi níʔ.

«Siɛn ó siɛn wi 'yéri ki nɛ̄ siɛnnɛ yiʔɛ mɛ́ gè nɛ̀ jo wire yē mi wuu wè, mi míɛni bága wi wuʔu juu gè bè yige mi Tuu wi yiʔɛ mɛ́ gè, mi Tuu ŋáà wī nyìʔɛnɛ nī lè, bé jo wiī mi wuu. Siɛn ŋíì sí wi 'jo wire sì mi cɛ́nʔ siɛnnɛ yiʔɛ mɛ́ gè, mi míɛni bága jo mi sì wi cɛ́nʔ mi Tuu wi yiʔɛ mɛ́ gèʔ, mi Tuu ŋáà wī nyìʔɛnɛ nī lè.»

Yaala bèle, yeri pe pori; kúbilo bèle, yeri pe yɛ̀gí; yaanyiɛmɛfɔlilɔ bèle, yeri pe pori; gbòdolifɔlilɔ bèle, yeri gbòdolilo cìrá bèle de yigi pe nī. «Yeli 'taa waʔanɛ, yeri kanʔa waʔanɛ.

Kire nɛ̄ ye fǎri fìʔɛ́ʔ, yeli 'pɔ́ri kàʔasiɛnrɛluʔulo nìʔɛgɛlɛ nɛ̄.»

«Ye fǎri ki sɔ̀ngí bè jo dùʔɔ yanyige mi 'pɛn bè pa nyɔ́gɔ dàala nī lèʔ; mi sì pɛn bè pa yanyige nyɔ́gɔ dàala nɛ̄ lè wīʔ. Ŋɔsii ní mi 'pɛn.