ខគម្ពីរពេញនិយមពី Hechos 14

ចែក​រំលែក

—¿Wedi tabä inaja wamacö li cuaaö dicoa cule? Cafä wamacö lä culenaja, yafäcö cuwä mö feduwä yafäcö. Yanowamö bämacö bluca. ¿Ö̦jö tawä? Yafä tä a̦ dodijidawä bälaö mö juu lä cufe. Wama bä jole lä bufiblaö wei wama bä fa dacönö, Yai Bada nija wamacö bufi yai cuobä. Ö̦jö a shino ba̦limi cua ayaa. Judu mösö ma cui, bita a ma cui, modu u ma cui, ö̦jö bä bluca tablalema. Ö̦jö bä jamö bä bluca lä cule, bä ca̦i tablaö showaoma.

Ö̦jö a lä cui, Pablo nija a yömöca daoma. ¿Ö̦jö tawä? Pablonö ö̦jö a möö fa shalilonö, a bufi lä cuaablalou wei etä dalalema. A jalobä, Jesucristo a nofi mölabou waiquioma. Ö̦jö etä fa dalalönö, i̦cali a nowa tama. —A da ubladalu. A ubladou fa showadalonö, a juma.

Jesucristo ebä lä yododoblai bä nijamö bä bada cublamobä, bä ca̦i taamaböö cuaafälöma, Jesucristo ebä ca̦i yododaö juobeje. Ö̦jö däjä, cäcöbö iyaö wasöolanö, bä nö bada bayeli nacaböö showaoma, Bada tä Jesucristo a nofi lä mölabono wejei a showawä lä cui nija bä bayeliblamobä.