ខគម្ពីរពេញនិយមពី Blasi Sturka 8

ចែក​រំលែក

Bara Dawan baha kîa pain ba kiawalan; bara witin ai kupia ra lukan: “Upla ba tâka mita, tasba ra yang kli saura wimna apia; kan upla kupia lukra ba, kau wahma ba yua wina saura ra baman luki ban sa. Bara diara rayakira nani sut ba sin kli sauhkamna apia, nanara daukri ba baku. “Tasba ba ban bâra piua ra, mâ mangkaia piua bara mâ krikaia piua ba sin takaskan kabia apia. Kauhla pali piua ba, lapta piua sin, mani piua bara lî auhaia piua ba sin, kakna bara tihmia sin bâra ban kabia.”

Bara Noa altar kum paskan Dawan dukia, bara daiwan klin nani bani ba wina kum brin, tnawira klin nani ba wina sin kum brin, bara wîna ba angki sakripais dauki Dawan ra yan.

Bara Gâd kupia krawan, Noa bara daiwan wail nani, tim nani sut kira, ark watla ra bâra kan ba. Bara witin yan pâsa krawan tasba purara, bara baku lî nani ba mahka rahwi iwan.

Bara baha yua tutnika, butku ba kli witin ra tawi balan; bara oliv wahia kum ai kakma ra brih balan; bara Noa tânka brin lî nani ba, tasba pura wina taki wan.