ខគម្ពីរពេញនិយមពី Blasi Sturka 50

ចែក​រំលែក

Man nani bui yang ra saura ai munaia luki daukram, sakuna Gâd lika man nani lukankam saura ba wina diara yamni ra lakan ba naiwa man nani kaikisma. Yang na upla ailal rayaka ba swaki sakaia ai mangkan.

Sakuna Josep pana witin nani ra win: —Si bripara. Yang lika Gâd watlika ra sip aimakamna apia.

Bamna nanara man nani si bripara, man nani sut, luhpiam nani sut sin ban plun maiki kamna. Baku Josep latwan lâka ni ai muihni nani maisa nihki kupia lilia daukan.

Yang nani bui man ra mai wimna: ‘Yang mamkabisni, pliskam, man muihkam nani man ra saura pali mai munan saurka ba ban kulkpara, pâtka ban swih tiks’, kan yang nani na man aisikam Gâdka albika nani sna bamna.” Blikan uplika nani ba witin nani bîla ba kau aisi kan ba ra, Josep lika ini kan.

Yu kumi Josep ai muihni nani ra win: “Yang pruaia piui pat baila sa, sakuna Dawan bal man nani ra tâm baikbia, naha kuntrika wina mai saki, Ebraham, Aisak, Jekob tasba yabaia win ba, baha tasbaya ra mai brih wabia.”

Bara witin bui Israel luhpia nani ra win: “Man nani nanara yang ra swer taki aisas.” Bara witin nani ba witin ra swer taki aisin, bara witin bui witin nani ra win: “Kasak pali Gâd balbia, man nani ba sin saki mai brih wabia.”

Bara baha kat Josep ai manka Idsip ra 110 mani alkan bara pruan. Bara witin nani ai wîna tara ba sîka dauki kapin kum ra mangki brin.