ខគម្ពីរពេញនិយមពី Blasi Sturka 39

ចែក​រំលែក

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Josep ba witin ai dukia nani sut ba pain main kaiki kan. Nanara Potifar lal klahwanka âpu, ai pata piaia ba baman bîla kaiki kan. Josep sin waitna mawan pain kan, bara ai daukanka sin.

Bara silak watla kiaptinka ba mita Josep ba silak ra uplika nani ba sut pura kakaira kaia swin. Bara Josep mita adar nani ba yabi kan baha nani dîa warkka dauki kaia ba.

bara witin adar yaban Josep ba alki witin nani bri si silak ra mangkbia, king mita silak ra mangkan ba uplika nani ba tilara swibia. Sakuna ban silak watla ra sin, Dawan ba Josep lamara kan, ai kupia yamni lâka ba ban mariki kan, bara sin daukan silak watla wihtka ba ban Josep ra yamni lukaia.

Bara yu kum ai dawanka maya mairin ba witin kat kang kaikan, bara witin ra naku win: —Bal yawan wal krikri ra prawaia. Sakuna Josep baku daukaia brin daukras kan. Bamna pana witin ra win: —Man kaiks, yang dawanki ai dukia nani sut ba yang mihti ra swin sa, nanara yang nâra sna, witin ai lal latwan âpu sa. Naha watla bilara upla wala yang wal kau tara wala âpu sa, man baman lika yang mihti ra mai mangkras kan, man sika witin ai maya mairin sma bamna. ¿Yang nahki baha saurka tara ba daukamna bara Gâdki mapara saura daukaia?

Yu kumi Josep ai warkka daukaia utla ra diman ba ra, upla wala sin witin ai lamara âpu kan, mairin ba witin ai prâka ra alki bara win: —Bal krikri ra aitniks yang wal. Sakuna witin ai prâka daiki ai mihta ra swi si plapi latara takan.