ខគម្ពីរពេញនិយមពី Epesus 6

ចែក​រំលែក

Kan yawan aiklabi ba lika upla aihwa, wîna tara bara dusa nani sin bri ba sâtka mapara apia sa, sakuna pirit saura nani ai karnika bri ba mapara; kasbrika purara bara tasba ra sin karnika bri ba, bara wihta kaia karnika alki ba, naha tasbaya tihmika ra ba mapara sin karnika alki ba.

Man nani puram sunisma ba swipara, piu bani Gâd ra bik taki makabi bas, Spirit man nani tâm briaia. Ridi bas, lukankam swapras kira bara Gâd uplika nani sut dukiara sin man nani puram suni kama.

Gâd mita aiklabaia dukia nani wanki ba sut brih dims, bara baha ni sip kama bapi kaia Sitan kuninka nani ba mapara.

Baha mita, Gâd bui war aiklabaia dukia nani wanki ba sut buki bris, bara baku lika yua saura ra bapi buaia sip kama, bara baha daukma ba ningkara, ban bapi bûi kama.

Baha sut purkara, kasak lukan lâka ba kainam kahbaika baku buki bris, sitan trisbaika nani sim pauta klauhi baku ba sut daskaia dukiara. Swaki sakan lâka ba sin lal pura bikaia baku lamla ra baps, Spirit Holikira mita wanki sord ba sin bris, baha sika Gâd bîla.

Bahamna ban bapi bûi banhwi bas, kasakka lâka kwalka ba ni dims, bara wapni lâka ni kainam suni bas. Man nani piu bani ridi bas kupia kumi sturka ba smalkaia waia.

Bara nanara, muihki nani, karna bas Dawan asla lâka ra, witinka karnika tara pali bri ba wal.

Naha sika lâ pas ba bara diara wankaia pramis win ba kasak sa: “Aisikam bara yaptikam ba kulki bas, bara baku mika naha tasba ra lilia kama bara piuam sin yari brima.”

Tuktan nani, man nani aisikam bara yaptikam wal bîla wali daukaia sma, Dawan latwanka lâka ba mita.