ខគម្ពីរពេញនិយមពី Iruruputo 2

ចែក​រំលែក

Nio Pita ta eri kiolake sekasi, “Mea kiada mela ta liliziomo muli meko sarueko poso kasi azo ni bapitaiso puimo vo Jisu Karisito ko ṉikale, nio meko sarueko poso ta kota mela akoilou; ni meta me qovou vo Baṉara ko katizato, vo Tabu ala Auvana.

Ni seta ke vinaitake se apositolo madu ko nianiiekato tama viqo kale kiada keru, ni kekai zomanake seko baerebaereo ko saevo, ni seta omadeu vuato ni vararaito ke evake.

Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Ni ota podoloa koi kama pado qurumo ta ko kuevake aukale azo, piza kama ururu ko puzeto ko qurumo jaria viqo ama, ni koa pade se kekai papima ko poro ta kokai sukatake. Ni seta ke keake uza jari ama quli, lenio poso jaria kelo ama, ni koa lenio poso ta komai okotake mai sato kiadamu sea maba poso. Nio sea kiadamu ta omai sukatake Tabu ala Auvana, ni seta ke tanitake kai pesio edoedoloma pesio poso, voa Tabu ala Auvana ko ikirimo kale.

Ni seta ke padoivake kiadama ṉaniu poso Jelepade ko poro kale omadeu vatolo kale, ni seta omadeu vuato ke evake seko zoleilo ni inobe sate, ni seta ke ilusivake vo Baṉara, ni kiadama maba madu ta kemai zoleike se. Ni kiadama ṉaniu vo Lekasa Jisu ta o padoemake se ṉaniu ma ṉaniu ke liliziovini ni ke koeni ko pakio seke tuvevo puteni ko poqala kale.

‘Komi quli kio aṉa a ereko ama tovama taku kale kiola vo Baṉara: Aṉata a raibikou aṉako Auvana kiadamu tona: Meko lasive meqora poso ni reko meqora poso ta kekai bazutou aṉako bazubazu; meko vairu ama maba poso ta ke kelou kama kelokelozato ni meko qole ama maba poso ta ke uloitikou kama uloito.

Ni sea kiadamu ke tuvevo puteni ta omadeukoi ke evake ni seta kekai puarikiniake seko lomaloma ke ṉavio kude. Seta kekai tatabaraovake mati seko miduku ni seko lomaloma ni seta kemai tauvekake koko seleni sea kiadamu seke toraekeni ko tapata seko poqala kale amu.

Nio vo o paseko ala ko tauvezato vo Lekasa kasi ta o pakiovou.’

vo ṉaniu ta kutumana ota elou, ni kaboso ta dara jaria diridiri ota elou, puliako vo Lekasa ko matuma ni ṉaṉaidara kama Ṉaniu barolo.