ខគម្ពីរពេញនិយមពី Roma 7

ចែក​រំលែក

Tapi tarimakasi banya pa Tuhan Allah! Dia itu yang kase Yesus Kristus torang pe Tuhan yang biking sampe dosa pe kuasa so tara kuasai lagi pa kita. Jadi pa kita pe pikiran, kita ingin biking Tuhan Allah pe aturan, tapi di kita pe hati, kita cuma iko manusia pe mau yang suka biking dosa.

Barang kita tau, di kita pe hati, tarada apa-apa yang bae, karna kita cuma manusia yang jaga biking dosa. Kita memang suka biking barang yang bae, tapi kita tara mampo biking itu.

Kita tara biking barang yang bae yang kita suka biking, mala, barang yang jahat yang kita tara suka, itu yang kita biking.

Deng kalu kita biking barang yang kita tara suka, itu berarti, bukang kita yang pe mau biking barang yang jahat, tapi dosa yang kuasai kita pe hati sampe kita biking bagitu.

Jadi samua itu biking kita tau, biar kita ingin biking barang yang bae, tapi yang kita biking itu cuma barang yang jahat saja. Karna, di kita pe hati, kita suka skali iko Tuhan Allah pe aturan.

Jadi, kalu kita biking barang yang jahat yang kita tara suka mo biking, itu berarti, kita so mangaku, aturan yang di lima kitab Musa itu bagus untuk kita biking.