ខគម្ពីរពេញនិយមពី Roma 3

ចែក​រំលែក

Barang, samua orang so biking dosa, kong so tara dapa lia lagi Tuhan Allah pe kuasa yang luar biasa dalam dorang pe hidup. Deng karna Tuhan Allah pe bae yang Dia kase deng cuma-cuma bole biking torang jadi orang yang tara sala pa Dia pe muka, karna torang so percaya pa Kristus Yesus yang so tebus manusia pe dosa-dosa.

torang bole jadi orang yang tara sala pa Dia pe muka karna torang percaya pa Yesus Kristus. Itu mo jadi pa samua orang yang percaya, karna Tuhan Allah tara pili-pili orang.

Tuhan Allah utus pa Kristus Yesus di dunia ini supaya Dia mati kong Dia pe dara tatumpa di kayu salib. Tuhan Allah biking bagitu supaya Yesus dapa hukuman yang sebenarnya musti manusia yang dapa, kong deng bagitu Dia kase ampun manusia pe dosa asal dorang percaya pa Yesus. Waktu Yesus bolong mati, Tuhan Allah masi sabar deng manusia yang biking dosa. Tapi kalu Dia tara perna hukum orang yang berdosa, Dia tara adil. Jadi deng Yesus mati di kayu salib, Tuhan Allah kase tunju, Dia itu adil. Kong skarang karna Yesus mati untuk torang, torang dapa tau Tuhan Allah adil, deng torang lagi tau, Dia biking orang berdosa yang percaya pa Yesus jadi orang yang so tara sala lagi pa Tuhan Allah pe muka.

Barang, tarada satu orang yang jadi orang yang butul pa Tuhan Allah pe muka karna dia iko aturan-aturan di lima kitab Musa. Mala dari aturan itu, torang jadi tau, torang berdosa.

Sama deng yang tatulis di Kitab Suci bagini, “Tarada orang yang butul pa Tuhan Allah pe muka, biar cuma satu lagi. Tarada satu orang yang tau apa yang butul, deng tarada satu orang yang cari pa Tuhan Allah. Samua orang pe hati so jao dari Tuhan Allah, dorang pe hidup so tarada dia pe guna. So tarada orang yang biking barang yang bae, biar cuma satu lagi.”

Jadi, ini dia pe maksut: Tuhan Allah biking torang manusia jadi orang yang tara sala pa Dia pe muka, bukang karna torang so iko aturan di lima kitab Musa, tapi karna tong so percaya pa Yesus Kristus.

Yang pasti tara bagitu! Biar samua orang tukang bafoya, Tuhan Allah tetap setia deng Dia pe janji. Tuhan Allah itu salalu butul sama deng yang ada tatulis di Kitab Suci, “Samua yang Tuhan Allah bilang itu butul, kong kalu ada yang mo kase sala pa Dia, Tuhan Allah pasti menang.”