ខគម្ពីរពេញនិយមពី मरकुस 2

ចែក​រំលែក

इना गल्ला शूणीं करै बोलअ ईशू तिन्नां लै, “ज़हा कोई दाह-खीज़ नांईं हंदी; तेऊ निं बैईदे ज़रुरत हंदी पर बमारा हआ बैईदे ज़रुरत; हुंह निं धर्मीं लै आथी पर हुंह आसा पापी शधाणूं आअ द।”

ईशू बोलअ तिन्नों विश्वास भाल़ी करै तेऊ दरंगे बमारी आल़ै मरीज़ा का, “मेरै शोहरूआ, तेरै पाप हुऐ माफ।”

तेखअ बोलअ ईशू तिन्नां लै, “बशैघो धैल़अ आसा मणछा लै बणांअ द, मणछ निं बशैघे धैल़ै लै आथी।

तिधी दुआरा सेटा तै बडै भारी खास्सै लोग कठा हुऐ दै। खास्सै लोगा हणें बज़्हा निं तिंयां ईशू सेटा पुजी सकै। तिन्नैं पेच़अ तेऊ घरो छ़ाप्पर तैहा सिधा ज़ेथ हेठै ईशू त बेठअ द। ज़ेथ दी सह दरंगो मरीज़ सताऊअ द त, सह बछ़ाऊणअ छ़ड़ाऊअ तिन्नैं छ़ाप्परा बाती च़ऊ कूणैं राशी बान्हीं करै उंधै।

ज़िहअ करै तम्हां का थोघ लागे कि मुंह मणछे शोहरू लै आसा पृथूई दी पाप माफ करनैओ हक।” तेखअ बोलअ ईशू तेऊ दरंगे मरीज़ा लै, “हुंह बोला ताल्है, उझ़ू आपणैं एऊ बछ़ाऊणैं च़क संघा डेऊ आपणैं घरा लै।”

“सान किज़ै आसा? एऊ दरंगे मरीज़ा लै इहअ बोल़णअ कि तेरै पाप हुऐ माफ या इहअ बोल़णअ उझ़ू आपणैं बछ़ाऊणैं च़क और हांढदअ फिरदअ लाग?

सह मरीज़ उझ़ुअ तेभी सोभी सम्हनै खल़अ और आपणैं बछ़ाऊणैं च़की नाठअ सह आपणीं ज़ांघा हांढी घरा लै। एसा गल्ला भाल़ी हुऐ सोभ लोग रहैन और तिंयां लागै परमेशरे बड़ाई करदै कि हाम्हैं निं इहअ च़मत्कार आझ़ तैणीं कधि हेरअ।