ខគម្ពីរពេញនិយមពី मरकुस 13

ចែក​រំលែក

मुंह दी विश्वास करनै पिछ़ू हणैं बडै भारी लोग थारै दुशमण, पर ज़ुंण आपणीं मौत हणैं तैणीं सबर करे तेऊओ हणअ उद्धार।”

भाल़ा, बिऊंतै रहा और प्राथणां करदै रहा लागी। किल्हैकि तम्हां का निं एसा गल्लो थोघ आथी कि सह साईत केभै हणीं।

ज़ेभै तिंयां तम्हां कैद करे और पेशी लै खल़ै करे, तेभै निं तम्हैं फिकर करी की हाम्हां किज़ै बोल़णअ। तेसा घल़ी परमेशर ज़िहअ तम्हां का खोज़े तेभै बोलै तिहअ। किल्हैकि तैहा घल़ी निं बोल़णैं आल़ै तम्हैं हणैं, पर तेभै बोल़णैं आल़ी हणीं पबित्र आत्मां।”

सरग और पृथूई टल़णीं पर मंऐं ज़ुंण गल्ला बोली ईंयां हणीं सोभ पूरी।” (याशायाह 40:8लुका 21:33)

“एसा गल्लो निं कोही का थोघ आथी कि ईंयां केभै हणीं। नां एतो थोघ स्वर्ग दूता का आथी और नां शोहरू का। पर एसा गल्लो थोघ आसा सिधअ परमेशर बाप्पू का।

कि ईंयां गल्ला हणीं आसा ज़रूरी, पर तेसा बेला बी निं अंत हणअ।

“तैही बोला हुंह तम्हां लै बी कि बिऊंतै रहा। किल्हैकि तम्हां का निं इहअ थोघ आथी कि थारअ प्रभू कसा धैल़ी एछणअ। सह उडै एछणअ कि आधी राची। कि सह दोती न्हैर प्रैशै एछे कि राच भैई करै एछे। “इहअ निं हआ कि तम्हैं होए सुत्तै दै और मालक एछे तेसा ई बेला। ज़िहअ हुंह तम्हां लै बोला तिहअ ई बोला हुंह सोभी लै कि बिऊंतै रहा।”

“एकी ज़ाती करनअ दुजी ज़ाती संघै जुध और एकी राईसी करनअ दुजी राईसी संघै जुध। देशै हणीं कई ज़ैगा ज़ाज़री और कई ज़ैगा पल़णै नकाल़। अह हणीं दुखे शुरूआत ज़ेही एकी बेटल़ी सूंणें दाह उझ़िआ।” (यिर्मयाह 6:24)

“अह आसा ज़रूरी कि पैहलै लोल़ी खुशीओ समाद सोभी ज़ाती सेटा पुजअ।

कई लोगा एछणअ मेरै नांओंऐं और तिन्नां बोल़णअ इहअ कि ‘हाम्हैं आसा परमेशरै छ़ाडै दै मसीहा।’ तिन्नां पाणै इहअ करै कई लोग कबाता।

“पर तम्हैं रहै आपणैं बारै दी चतैन। किल्हैकि लोगा निंणै तम्हैं आराधना सभा दी और तेथ च़िकणैं तम्हैं सोभी सम्हनै, मुंह पिछ़ू करनै तम्हैं मुखियै और राज़ै सेटा बी खल़ै। पर अह हणअ तम्हां का मेरै बारै खोज़णेंओ मोक्कअ।

“किल्हैकि झ़ुठै मसीहा और झ़ुठै गूर निखल़णैं और तिन्नां पाणै ज़ादू करी करै बडै-बडै नछ़ैण और च़मत्कार रहैऊई कबाता। ज़ै तिन्नों बश च़ले ता तिन्नां पाणै परमेशरे छ़ांटै दै लोग बी कबाता। (मत्ती 24:24)

“इना दुख-सांगटे धैल़ी बाद हणअ इहअ कि (प्रगट की दी गल्ला 6:13याशायाह 34:4) सुरज़ फिरनअ न्हैरअ और ज़ोथ हणीं काल़ी। सरगा का अल़णैं तारै धरनीं और सरगे सारी शगती बी सिकणीं आजू-पिछ़ू।”