ខគម្ពីរពេញនិយមពី लुका 9

ចែក​រំលែក

ईशू बोलअ तिन्नां सोभी लोगा लै इहअ, “ज़ुंण बी मेरअ च़ेल्लअ हणअ च़ाहे, सह निं तिन्नां गल्ला करी सकदअ ज़ुंण तेऊओ दिल च़ाहा। तेऊ लागणअ अपराधी ज़िहअ दाह-दुख ज़िरी करै आपणअ क्रूस आपणीं कान्हा आप्पै च़कणअ।

“किल्हैकि ज़ुंण बी एसा पृथूई दी आपणीं ज़िन्दगी बच़ाऊंणी च़ाहे, सह करा परमेशरा संघै सदा रहणैं आल़ी ज़िन्दगी बरैबाद, ज़ुंण मुंह दी विश्वास करनै पिछ़ू आपणैं प्राण दैए, तेऊ भेटणीं परमेशरा संघै सदा लै ज़िन्दगी।

ईशू बोलअ तेऊ लै, “ज़ुंण बी आपणअ हाथ हल़े आल़ी दी डाही करै पिछ़ू भाल़ा, सह निं परमेशरे राज़ा जोगी आथी।”

ज़ै मणछ सारै संसारा आपणैं बशै करे और आपणैं प्राण शोटे; या तेऊए आपणैं प्राणें हान्नी होए; ता तेऊ लै किज़ै फाईदअ हणअ?

“ज़ुंण मुंह आपणअ प्रभू मनणै और मेरी शिक्षा मनणै का हुधिए, तेभै हुधणअ मुंह मणछे शोहरू बी ज़ेभै हुंह आपणैं पबित्र स्वर्ग दूता संघै पृथूई दी फिरी एछणअ। तेभै भाल़णअ सोभी मेरअ प्रतप ज़िहअ मेरै बाप्पूओ आसा।

ईशू दैनअ तेऊ लै इहअ ज़बाब, “शैल़ीए हआ जुहल़ी और सरगै डैऊंदै पंछ़ीए हआ बसेरै। पर हुंह मणछो शोहरू ज़ुंण स्वर्गा का आसा आअ द मुल्है निं कोऐ घर आथी ज़िधी हुंह सुत्ती सकूं।”

संघा बोलअ ईशू तिन्नां लै, “ज़ुंण बी मेरै नांओंऐं एऊ शोहरूए कदर करे, सह करा मेरी और परमेशरे दुहीए कदर ज़ुंणी हुंह संसारा लै आसा छ़ाडअ द। किल्हैकि ज़ुंण तम्हां मांझ़ै होछ़ै का बी होछ़अ आसा सह आसा सोभी का बडअ।”