ខគម្ពីរពេញនិយមពី Iromayon 8

ចែក​រំលែក

Ijenete oni ebe kakiro kere isomae Akuju nukajokak kotung'a kalu eminasi nesi, kotung'a kalu anyarau nesi kwape kekotore nesi.

Naarai ajeni eong' cut ebe, emam ibore ipede ebeikini akitiaka oni kamaka amina keng'. Mere atwanare kere de akijar. Mere imalaikan kere de ice lu ipugaete kokuju, mere lolo kere de irwaru, mere akwap na ejii kuju kere de akwap nako kwap. Emam ibore ni esubite ni ebeikini akitiaka oni kamaka amina ka Akuju kana erait na wok akitoro namaka Yesu Kristo Lokapolon wok.

Kokipone kalope kang'oli nesi ebunia Emoyo de aking'arakin oni atikere kinonok oni. Naarai mam oni kijenete ekipone lo itemokinare oni akilip. Ilipakiit Emoyo elope oni kamaka Akuju karieba kana emam akiro kepedorete atemar.

Atupa kanu kere, inyena konye itemarete oni? Kejii bere Akuju wai wok, ng'ai ebeikini akitepege oni?

Emam atubokino kipokona kamaka ng'ulu kalu ejarete kotoma akimorikikina ka Yesu Kristo.

Akipiakin adama oboro luka akwana erait atwanare, konye akipiakin adama oboro luka Emoyo eyauni akijar kiton aipuc.

Mam, koboro kalu kere, idumutu oni akilanya akitor nama keng' kalo abu kominu oni!

Anyuti eong' ebe icani lu icanasi oni apaki na mam cut kitupusio ka akibusesu na epukokino oni.

Ng'ai konye ebeikini akitiaka oni kamaka amina ka Kristo? Ebeikinete ican teni, teni ebeikini akicasite ka akijar, kere akisicanio, kere eteng'e, kere apalupalut, kere akang'as kere atwanare?

Konye Akuju lo itee itawon wok, ejeni nu itunene Emoyo. Naarai imaimai Emoyo Akuju ikamuut itung'a keng' bobo atupa ka amina keng'.

Ng'ulu lu eyait Emoyo ka Akuju eraito idwe ka Akuju.

Ng'ulu lu ejarete kwape ekotore ejautene kes loka etung'anane, eyait nu ekote etung'anane adama kes. Ng'ulu lu ejarete kwape elimonokina Emoyo kesi, Emoyo nes eyait adama kes.

Mere Akuju lo amam abu kogwouna Okoku keng' kelope. Konye kolemuni nesi Okoku keng' kanu wok! Koinakini nesi oni Okoku keng'. Teni mam nesi keinakini oni iboro kijokin along'u?

Imorikikinosi Emoyo ka Akuju kiton imoyoi wok alimor ebe iraito oni idwe ka Akuju. Kanu iraiteter oni idwe keng', idumunete oni asulwany na igwaikiit nesi itung'a keng'. Bobo idumunete oni nenipe ka Kristo nu igwaikiit Akuju nesi. Naarai kimorata oni icani ka Kristo, imorete oni akibusesu keng' de.

Naarai adama nu ejaasi oboro luka akwana eding'asi ka Akuju. Mam keyong'it ekisil ka Akuju. Teni cut mam.

Idarito isuban kere kaminanar kopukoki Akuju idwe keng'.

Ijenete oni ebe akitodol akolong' na, iboro kere lu esubite idinyasi kapipilu bala arieba naka akidoun.