ខគម្ពីរពេញនិយមពី Iromayon 4

ចែក​រំលែក

Mam akiyuun keng' akinyekin nesi, bobo mam nesi abu kobuonok asumunet ka Akuju. Abu akiyuun keng' kilelebik nesi agogong'u, kosodi nesi akitur Akuju. Ajeni nesi cut ebe ebeikini Akuju asoma nukisumunikiit nesi.

Kwape ebalatatar Agirasia Nukalaunak ebe, “Etarau eong' ijo papa loka akwapin kanu ipu.” Kanuka ng'unu ejokuna asumunet kakonyen ka Akuju, kalo abu Aburaam kiyu, Akuju lo itajaruni lukatwak bobo lo einakini akicorasit keng' ibore ng'ini ni amam kejii etakanuuni.

Kanuka arokusio wok, apon kwaarai nesi, kitajarunete nesi tetere imarakino oni lu idolito koking'aren keng'.

Abu Aburaam kiyuu ka amunokin, atikere nakemamar atenikina naka amunokin. Kanuka ng'unu korauni nesi “Papa loka akwapin kanu ipu.” Kwape ebalatatar agirasia nukalaunak ebe, “Epuakarosi auri kon bala akanyer.”

Kanuka ng'unu agong'akina asumunet na namaka akiyuun, tetere imarakino asumunet erait idutat ka Akuju nika along'u kamaka auri ka Aburaam kere, mere kamaka ng'ulu bon kalu eyong'ito Ekisil, konye kamaka ng'ulu de kalu iyuuto kwape kiyuutere Aburaam. Naarai erait Aburaam papa wok kere loka akiyuun.

“Erereng' ng'ulu lu arimakin adiakareta kes, ng'ulu lu arapakin arokusio kes! Erereng' itwan ni emam Akuju kiituni arokusio keng'!”

Ebalasi agirasia nukalaunak ebe, “Eyuut Aburaam Akuju, bobo kanuka akiyuun keng' kocamuni Akuju nesi bala lo edolit.”