ខគម្ពីរពេញនិយមពី TAUNET 2

ចែក​រំលែក

Amu noto anyun, bagaktoi mureno kwandanyi ak kamennyi, ak konamgei ak kwondanyi; ak koek ichek borto agenge.

Kimwa Jehovah Kamuktaindet kole, Ma mie kotebi chi inegei; ayachini ne toreti ne kergei ak inendet.

Ak kiyai Jehovah Kamuktaindet chito eng’ ng’ung’unyek, ak kobusyi serunekyik kabuset ne bo sobondo; kiek anyun chichoto, chito ne sobei.

Ak komwa chichoto kole, Ni anyun nguno ko kowet ne bo kowekyuk, ak banyek che bo banyekab bortanyu: kiguure kainennyi Kwondo, amu kaginemune Muren.

Ak kiiberur Kamuktaindet betutab tisab, kotaban: amu kiimuuny eng’ betunoto eng’ boisionikyik tugul che kitoi Kamuktaindet koyai.

Ak kitebyei tuwai ach ngor, chichoto ak kwondanyi, ak kima kolilandos.