ខគម្ពីរពេញនិយមពី Mark 6

ចែក​រំលែក

Na ɔsee hɔn dɛ, Homankasa hom mbra sar do nkyɛn beebi, na hom mbɔhom kakra. Osiandɛ nna dodowara reba rokɔ ma wonnya adagyer nndzidzi mpo.

Na Jesus see hɔn dɛ, Enyidzi mmbɔ nkɔnhyɛnyi gyedɛ nankasa no kurow mu, nye n’ebusuafo mu, nye nankasa ne fie.

Na ɔbaa daadze no, ohun nyimpadodow pii na ne yamu hyehyee no maa hɔn osiandɛ wɔtse dɛ nguan a wonnyi ɔhwɛfo; na ɔhyɛɛ ase kyerɛkyerɛɛ hɔn ndzɛmba pii.

Na oenntum annyɛ tum edwuma biara wɔ hɔ, gyedɛ ayarfo kumaabi a ɔdze ne nsa too hɔn do yɛɛ hɔn edur. Na gyedzi a wonnyi yɛɛ no nwanwa. Nna okekyiin nkurobaase kyerɛkyerɛe.

Na ɔfaa paanoo enum no, nye esunam ebien no, na ɔhwɛɛ sor no, ohyiraa do, na obubuu paanoo no, na ɔdze maa n’esuafo no dɛ wɔmfa ntoto hɔn enyim; na ɔkyɛɛ esunam ebien no mu maa hɔn nyinara. Na hɔn nyina dzidzii na wɔmee. Na wɔtasee mporoporoba nkɛntsɛn duebien nye esunam no so bi.