ខគម្ពីរពេញនិយមពី Mark 2

ចែក​រំលែក

Na Jesus tsee no ɔsee hɔn dɛ, Hɔn a wɔtse apɔw no, wonnhia oduyɛfo, na mbom hɔn a wɔyar no a: mammbɛfrɛ atseneneefo, na mbom ndzebɔnyɛfo a.

Na Jesus hun hɔn gyedzi no, ɔsee mbubuinyi no dɛ, Ɔba, wɔdze wo bɔn akyɛ wo.

Na ɔsee hɔn dɛ, Nyimpa ntsi na wɔyɛɛ ahomgyeda, na nnyɛ ahomgyeda ntsi na wɔyɛɛ nyimpa

Na ɔnam nyimpadodow no ntsi na wonnya kwan nntwe mmbɛn no no, wɔkɛpaa dan a ɔwɔ mu no etsifi; na wotuu mu tu na wɔdze kɛtɛ a mbubuinyi no da do no duaa mu gyaagyaa mu sii famu.

Na mbrɛ ɔbɛyɛ ma hom ehu dɛ nyimpa Ba no wɔ tum wɔ asaase do dɛ ɔdze bɔn kyɛ ntsi, ɔsee mbubuinyi no dɛ, Mese wo dɛ, Soɛr, fa wo kɛtɛ na kɔ wo fie.

Dza ɔwɔ hen na ɔyɛ mberɛw kɛse, dɛ ebɛse mbubuinyi no dɛ, Wɔdze wo bɔn akyɛ wo, anaa ebɛse dɛ, Soɛr, fa wo kɛtɛ, na nantsew, a?

Na ɔsoɛree, na ntsɛmara ɔfaa kɛtɛ no, na osii mu wɔ hɔn nyina enyim kɔree. Na ɔmaa hɔn nyina ho boow hɔn, na wɔhyɛɛ Nyankopɔn enyimnyam dɛ, Yennhun dɛm adze yi bi da.